يوفاوي وافتخر

بيدولا ناقل الخبر من نفس المصدر Radio Esport على سالفة بلغ ربعه و يا ليت الربع يتكلمون حتى نسمع منهم , ما قال شيء جديد : ) عموماً هو مرتبط باليوفي لكن مسألة قربه ما تتأكد الا من مصادر معينة

والله اللي يبي يلوم بونوتشي و يطلع اعذار لخروجه بيطلعها من تحت الارض و يمشي مع اللي يصير , اللوم على اللي ما يعرف يدير الامور و بونوتشي كان من اكثر اللاعبين رغبة بالمسابقة و ما طلع منه خطأ معين الا حرقة من اجل المسابقة لكن المصيبة باللي ما يعرف يدير الامور و يعديها بين لاعبينه بدون لا يقرب الاعلام منهم , وين ايام موجي يوم يتضاربون اللاعبين و يروح مستشفى و محد يدري ,

غير صحيح مافيه اي شيء من سكاي و من مدريد تم التأكيد انه اللاعب ليس للبيع , لا تحلم كثير , و هاردلك بونوتشي و الجايات اكثر

تسلم صديقي يجب ان نعطي الادارة حقها صراحة

Sky : دوغلاس كوستا يصل غداً لمعسكر البايرن , لديه الرغبة بالخروج , لا تزال الاتصالات بين الناديين و اليوفي متفائل اكثر لإيجاد اتفاق

هل يعني تمت ؟ او الاتفاق النهائي تم ؟ لا ما تمت بس ننتظر بأي وقت التطورات ,

هذي صحيفة شاطحة و تقول على اساس ارسنال بيشتري مبابي و يبيع سانشيز للبايرن ( يعني هل اليوفي للحين ناطرين بايرن يبيع , لا الحقيقة اليوفي قاعد يتحرك لدانيلو ) و اليوم مصرح رئيس بايرن انهم مو مستعدين يلبون طلب سانشيز بالراتب ,

مجرد كلام للحين , اكثر من ظهير اليوفي يركز عليه و اكثرهم دي تشيليو دارميان دانيلو , التأخير طبعاً ماهو حلو لكن هذا الحال لازم يكون مع اليوفي فـ كوستا من بايرن و البايرن ما يبيع بسهولة و هو بعده ما اشترى جناح جديد ، و بيرنارديسكي غير انه يلعب ببطولة حاليا فهو من فيورنتينا العنيد , هذه صفقات يبيلها وقت و انا اشوف افضل يتحركون للاعبين ممكن يجون اسرع قبل لا يضيعون الثانيين بعد و نجي بالأخير ,

عليكم السلام , و انت بصحة و سلام , جعلنا و اياكم من الفائزين المقبولين

إضافة للكلام الي قلتلك إياه أن اليوفي وبايرن متفقين علي الصفقة بس ينتضرون إنضمام جوليان براندت هاذي خبرين من موقع فيكيا سنيورا وأخبار يوفنتوس

عليكم السلام , شرايك انت تشوفها يعني ياي لليوفي ؟ : ) اشوفها عادي , ممكن و ممكن للحين لازم ننتظر ( مع انه كان فيه كلام انه هالاسبوع خصوصاً ممكن يكون حاسم بس مبين انه حتى بايرن بعده ماهو مستعد ) ، و اليوم نقرا اسامي دانيلو و فابينهو اللي لو شرى اليوفي واحد منها ما يقدر ياخذ لاعب ثاني خارج الاتحاد الاوروبي و ما عنده جواز سفر اوروبي , و فابينهو اسم ينبلع دامه يقدر يلعب بعد ظهير يمين او وسط

اذا بالفلوس , انت عارف معاهم فلوس الدنيا

اما مسألة لاعب من خارج الاتحاد الاوروبي ماله علاقة , كل نادي ايطالي يقدر يشتري لاعبين من خارج الاتحاد الاوروبي بكل سوق انتقالات و اليوفي شرى بينتانكور و باقي واحد , و ماله علاقة باللي يطلع و لا الموجود في الفريق حتى لو كانوا عشرة ,

اليوم الظهر و العصر مصادر تقول اتفاق لليوفي و بعدين وكالة انباء المانية تقول المفاوضات توقفت

بس المصادر الموثوقة مثل سكاي للحين نفس الكلام انه انتظار لرد بايرن و دي مارزيو من سكاي قال ان بايرن يبي جناح اول , الموضوع ماهو معقد بنظرة اولى بس يبيله وقت و ممكن جم مليون تفرق دام اليوفي وصل 40 ، و بيرنارديسكي بعد الكلام عليه انه ممكن جناح ثاني اذا طلع كوادرادو بس مع بعض بيرنارديسكي و كوستا و كوادرادو باقي شبه مستحيلة ، و مافيه خبر خاص في بيرنارديسكي و الا لازم تقرا فيه العلاقة بين اليوفي و فيورنتينا : ) من يوم سالفة بيرباتوف و الامور مختربة اكثر بينهم ,

عليكم السلام : ) أيام قليلة و يبين كل شيء , اذا تبي تخميني ممكن الصفقة تتم بحدود 40-45 مليون بالمكافآت او بدونها , لكن بايرن لازم يأمن قبلها لاعبه الجديد لانهم ما حسموا بعد صفقة سانشيز و الولد طاير بأمريكا مع اجازته : )

لكن التمني غير , حتى اني اشوف رياض محرز قادر يقدم اضافة افضل , حتى لو يبقى دوغلاس جناح جيد

خرابيط للحين و مافيه هذا الكلام , لا تستعجل , كل شيء يبين الايام الياية عن دوغلاس و آخرته و اذا طلع شيء جديد سكاي بتكون اول من تقوله