يوفاوي وافتخر

عليكم السلام : )



اذا تقصد كل اللغة بالكتابات بالمنتدى انجليزية , فأتوقع انه مفروض تغير من تحت ( انزل تحت بصفحة المنتدى و شوف يم اختيار الستايل فيه اختيار اللغة حولها من english ل العربية )

عليكم السلام

بخصوص الكتابة لطرح نقاش , فيه ديوانية مثبتة بقسم يوفنتوس أرينا ، ان شاء الله الديوانية لها اهمية اكبر قريب

أنا متتبع للمصادر الإخبارية الايطالية إضافة إلى المواقع العربية وخبر سافيتش لاعب لاتسيو موقع لاتسيو العربي تحدث عنه

وايد من اخبارك ماش : ) ما ادري من وين تاخذها , يعني سكاي قالت عرض 180 مليون لسافيتش قوية ياخوي اسالك من وين قريتها ؟ و بالنسبة للتوتوسبورت و 20 يوم , ما قالتها الصحيفة , اليغري بنفسه قالها بيرنارديسكي بعد 20 يوم بيخضع لفحوصات و من الفحوصات يبين يحتاج عملية ( معناها غيابه بيطول اكثر ) و لا بيرجع ,

ياخي أنا متوسم في انزاغي خير وشوفه بيب غوارديولا الطليان

للحين مافيه اخبار اشاعات عن مستقبل اليغري او سالفة خروجه , ممكن تبدا اخر الاسابيع اكثر مثل ما تعودنا او اذا طلع بدري من الابطال , و سالفة منو بديله اذا طلع : احساسي بالهم اكثر في سيموني انزاغي مع اني اتمنى ساري اذا شرطه الجزائي صالح اذا مصرين دايم على المدربين الايطاليين ,

بالنسبة لخبر اريكسين قرأته بالكوريري دلو سبورت اما اوزيل أنا لي فترة أشوف له اخبار ارتباطه بيوفنتوس

اريكسين ؟ حاولنا نصدق بس قوية ياخي : ) الا اذا بيشيلون مثل ديبالا ممكن مجرد يحاولون بس مافيه شرط جزائي و لا شيء لاريكسين : ) اما بالنسبة لمسعود اوزيل طلعت اخبار عن انه فكرة لليوفي بما انه بيكون مجاني بس تم نفيها بعدها مباشرة من اكثر من موقع انه اليوفي مهتم فيه , بس ما فيه شيء مستبعد و بنفس الوقت علامات الاستفهام مثل ما قال موقع التوتويوفي هي في الراتب , يعني كم بيعطيه اليوفي لو جد يبيه بانتقال حر ! بس للحين مافيه مؤشرات الاهتمام فيه مقارنة مثلاً في ايمري تشان ,

مثل ما حطيت بالخبر , مافيه شيء مؤكد ( اليوفي ينطر بعد فترة حتى تكون واضحة ) , التوقعات الصحفية بين 30-40 يوم بناء على معرفتهم السابقة و ان شاء الله تكون أخف على الاقل لمباراة توتنهام

كلنا واحد : ) منتخبنا تو راجع من فوق سنتين و حتى تصنيفه واصل 189 تحت بوتان و كمبوديا و لاوس , حرام ياخي ننطر سنتين علشان نرجع للبطولات الرسمية و ما يندري شنو بيصير : ( و اكيد بيكون وضعنا صعب في المجموعات الياية مع التصنيف هذا

الله يبارك فيك بس صراحة مافيني فرحة بدون لا نلعب تصفيات مونديال و غير انه كاس اسيا راحت علينا و لازم ننطر سنتين علشان تجي ذيك المباريات ، و مافيه شيء مضمون بوقت ثاني شنو يحصل عندنا

لكن بكل الحالات , قلبي مع الاخضر منتخبي الثاني و الاول و تابعته من اول التصفيات لآخر دقيقة و آخر يوم حتى ما نمت مضبوط و القلق يطقطق ينطر تايلند بالظهر قبل مباراة الليل : ) و الحمد لله , اما المونديال نفسه نتمنى بس التركيز بالاختيارات و توفير وقت اضافي للمدرب اللي ياي متاخر : )

روابط التيلفون ينشرونها بعض الحسابات في تويتر قبل المباراة و انا بشوف منها و احطها بالنقل المباشر , روابط الكمبيوتر اكثر و افضل

و انت بصحة و سلامة , اجمعين يتقبل الله منا و منك صالح الاعمال , عيد مبارك

ما قللت من هيغوين كمهاجم جيد جداً بغض النظر عن قيمته المدفوعة المبالغة , بس اقولك للمنافسة معاه و ممكن يكون مهاجم مميز قادم : باتريك تشيك يقدر