لو حابب تنتقد موتا بس كرمال عيون المتدرب يلي قلعوه هذا شي . بس لو انتقاد منطقي خلينا نفكر سوا بالنسبة للتبديلات بالنسبة لكابال خلص كان لازم يطلع بسبب عدم مجاراته لرتم لاعب ليل و كمان لانه اخذ بطاقة .و بالنسبة لثورام و اخراجه لو ترجع بس قبل تبديله بدقيقتين و تلاحظ انه كان مرهق و فتح منطقة كبيرة بالوسط كان الخصم يستلم منها اغلب الكرات و لولا تغطية كالولو بسرعة و تدخله لكانت الامور تتحول لكارثة باكثر،من كرة. وبالنسبة لكووب فهو عنده خصائص بدنية و طول و يقدر بتبدل مع راس الحربة ويدخل منطقة الجزاء .
بينما التهجم على لوكاتيللي هذا الشي،يلي ما فهمته لغاية اللحظة مع انه عامل حركية بخط الوسط و يغطي قدام كالولو و جاتي و يغطي مكان الاظهرة لو تقدمت و ينزل يستلم من الحارس . و زيد على ذلك انك بتطلب اشراك فاجيولي و اليوفي بالاساس قاعد يجبر حارس ليل يلعب كرات طويلة للنص و كلها كان يطلع عليها لوكاتيللي و يستلمها يا ترى فاجيولي عنده القدرة البدنية ليجابه لاعبي وسط ليل باطوالهم و قوتهم؟
و لو رجعت تفرجت عالمباراة راح تلاحظ ان لوكاتيللي يلي مو عاجبكم كان بمواجهة خط وسط ليل المتكون من خمس لاعبين .لان مدرب ليل بعدما شاف الضغط المتكرر من موتا عالاطراف و دخولهم بتوغل للنص صار ينكمش بشكل كبير للوسط لدرجة انه لعب بكثير من الاوقات بخطة 4.5.1.
ملاحظة انا ما عم احكي هالشي كدفاع عن موتا لان انا بشجع اليوفي بس و المدرب و اللاعبين جزء من فريق انا بشجعه و يلي بيغلط بنتقده و المديح بيكون للمدرب و اللاعبين لما يستاهلوا
