Avvocato

انا تصفحت الموقع وشي روعة .. يعني بيزيد عدد الزوار وانا متأكد في ناس وايد بتننضم لمنتدانا ..
شي ثاني يا بطل .. بالنسبة للصبح والله ساعات ماكو وقت احك راسي من الشغل هاليومين زحمة شغل لاني بطلع اجازة الاسبوع الياي انشالا فـ صاير لوود على راسي .. لكن بعد هم بحاول ولا يهمك ..
ثالث شي .. ثبت النجمة بعد للمسابقة الثانية .. افضل حل حاليًا .. بالنسبة للجائزة مالت افضل عضو مناقش اللي هي الثالثة اقترح بلاك بيري .. شرايك ؟

بس و لو عطنا كم خبر كذا في الصبح في دخلتك علشان يكون للداخلين صباحاً اخبار يتابعونها لليوم نفسه :d و المقاطي مشروع مترجم بس كم شيء ان شاء الله يتعدل معاه الايام الجاية و بحاول اتابع معاه ، و هيلف مير مميز بس ينقصه يثبت على الدخول و اتزان اكثر في الاخبار اليومية ، و ان شاء الله الافكار و التطبيقات تتراكم الايام الجاية وحدة ورا وحدة .. قميص اليوفي مع شورته و حذاء هذه الجائزة الثالثة حالياً للاخبار و كرت الجزيرة جائزة في التوقعات :d احترنا في الثالثة لافضل عضو مناقش ، و ان شاء الله خلاص راح اثبت على نجمة اليوفنتوس بما انها الممكنة لافضل محرر و افضل مناقش ..

من الامور اللي ودي اسويها هي الاعلان في زوار ربح في خدمة من شكل آخر و مغرية في وصفها http://zwaar.net/premium/page-1.html و ان شاء الله يكون فائدتها مثل اغراء وصفها ..

طيب ما عندي مشكله في موضوع النجمة .. ع الاقل بنلقى توازن في الاقبال على المسابقتين بنفس الوقت .. اقترح جائزة البدلة لفريق اليوفي للجائزة الثالثة .. اشرايك؟ او مثلا اشتراك الجزيرة الرياضية لمدة ست اشهر او سنة ؟ شئ مرتبط باليوفي يعني .. انا ارشح كرت الجزيرة لان منه فايده . .

بو حميد .. اعذرني اني مانزل اخبار وايد هاليومين .. ما عندي عذر قوي .. بس بيني وبينك .. النشاط اللي انت شفته الايام اللي فاتت كان هدفه اني اخلي اعضاء عاديين يتحركون .. ولما لقيتهم يتحركون قلت اترك الفرصه للغير لاننا نحتاج ناس نشيطين .. والحمدلله المقاطي وهيلف مو مقصرين في الاخبار .. وانا لي عودة مع التصاريح الطويلة او الاشياء اللي مالقاها نازله في الموقع علشان نتكامل ..
لكني متابع للموقع ..

مو خايف عليها بس تعرف ودي اسرع اعتماد الجوايز .. و قلت الحل اننا نخلي جائزة النجمة مكررة لافضل محرر و افضل مناقش دام الرحلة مشكوك فيها و صعبة جداً و هذا شيء طبيعي ، فـ يبقى بعدها نحط جائزة ثالثة لافضل عضو مناقش .. و بعدها نعتمد و الحين انسب وقت خلال يوم يومين لاننا في بدايات شهر 12 فـ ممكن تكون بداية الجوائز الشهرية منها ..

الرحلة جدًا صعبة .. على كلامهم انهم الان مركزين على الديربيات والتشامبيونز .. ولكن مازلت على تواصل معهم ..

لا تحاتي الجوائز والنقل .. خلنا نركز على المسابقة .. والله يحلها من عنده .. احنا مرتبينها عدل محمد لا تحاتي ..

انا قلت النجمة الثانية لانه ممكن تكون بعض الصعوبات المختلفة على الرحلة .. و طبعاً من المعايير اللي راح اذكرها لو كان عضو معين هو الافضل يعتبر بالاخبار لكن جهده لم يكن بالكبير و الذي ما يستحق عليه الفوز وقتها لا يستحق جائزة المركز الاول بل يعطى له جائزة من مراكز اخرى ، لكن اذا اجتهد و قدم اللي عليه في اغلب فترات الموسم حتى لو ما كان فيه منافسة وقتها يستحق جائزة المركز الاول و هذه من الشروط المهمة اللي راح اوضحها بس ودي نثبت اول على الجوائز ، و فكرة الستيكر صح حلوة و دام فيه شركات واضحها و مامنة للتحويل البضائع و غيرها ان شاء الله الامور تمشي على خير .. لما نضيف جائزة تيلفون و لابتوب يبقى جائزة وحدة لثالث افضل عضو مناقش ..

اممم اللابتوب والموبایل حلوین >> بس المشکله الوحیده وین بتحصل احد ایعدلهم لک ؟ هني المشكلة حبوب .. ولو طلبتهم طلبية خاصة بتاخذ وقت طويل وبتكلف وايد ..
ممكن انحط ستيكر الموقع على اللابتوب والموبايل .. مثلا !! كبديل عن التصميم الكامل .. اشرايك؟

شركات نقل؟ احسن شي عندك الدي اتش إل والاراميكس والفيديكس .. لانهم ينقلونها وعليها تأمين لو صار شي بيعوضونك .. وبعدين خدماتهم حلوة انا امجربهم ..

بالنسبة للنجمة الثانية انا ما عندي مشكله فيها .. انت تدري ؟ احنا نبي الجوائز القوية يكون ثمنها جهد فعّال .. وهني القصة .. يعني لين انشوف ناس تشتغل صح نقدر احنا نعطيهم شي اكبر ..
انا اقترح نجمة وحده بس ..

وخل انشوف راي الباقيين

السلام عليكم عبد الله ..

بقولك عن جوائز التحرير و القلم الذهبي السنوية .. شرايك نحط جائزة جهاز لابتوب بـ ستايل يوفنتيني لمسابقة التحرير و جهاز تيلفون بـ ستايل يوفنتيني جائزة ثانية في القلم الذهبي لكن السؤال من أي نحصل عليهم ؟ مع انني اشاهد احياناً صور لهم ..

و بسالك سؤال ايضاً .. شنو الشركات المتخصصة في نقل البضائع و اشياء مثل جهاز لابتوب او اقمصة و اعتقد طبعاً موجودة و لانه هذا هو اهم شيء راح يساعدنا في نقل الجوائز للابطال سريعاً عدا جائزة نجمة اليوفنتوس و الرحلة تحتاج لجهد بشكل غير ، و ممكن اذا وافقتوا نخلي ايضاً جائزة افضل محرر نجمة اخرى لليوفنتوس اذا هي ليست صعبة مقارنة بالرحلة و عدم ضمانها ..

ههههههههه وعلیکم السلام ورحمه الله وبرکاته

وانت اشلون عرفت تاریخ میلادی ؟
وانشالا له طولة العمر يالله .. وايهنيك انت وياه بشبابكم بحق كل عزيز وغالي ..

وصلّه سلامي وقوله كل عام واهو ابخير ..

السلام عليكم .. تصدق انه اخوي الكبير ( عبد الله ) و عمره 21 سنة يوم ميلاده في يوم 30 / نوفمبر نفس يوم ميلادك .. يا سبحان الله نفس الاسم و نفس يوم الميلاد بس مو نفس السنة و الله يجمعكم على الخير في الجنات و يكفيكم شر الدنيا :d

وضعت لك اسم الصحفي و احد الكتاب المميزين هناك في موقعهم و رابط صفحته لارسالة رسالة له مع بعض التوضيحات في رد بالموضوع ،

اذا كان تقدر تحط موضوع اوضح عن ابرز ما صار اليوم افضل .. ملخص و سرد لاهم الامور دون تفاصيلها الدقيقة الكثيرة

عبدو يقصد موضوع عن برنامج دليل الصحف .. وضع لك رابط تحميل الجزء الاول في الموضوع بقسم الادارة ، و انا حطيت لك رد بالنسبة لمقابلة صحفي من التوتو يوفي بموضوعها و افضل يكون نقاشنا بالموضوع عادي مافيه مشاكل ،

اليوم اهم خبر .. http://www.tuttojuve.com/?action=read&idnotizia=34218 جلسة المحكمة للكالتشيو بولي .. اذا تقدر تاخذ مختصر عنها و الاهم

عزيزي عبدو اهلا بك ..

للاسف مش قادر اشوف الموضوع