مرحبا بك عزيزي الزائر. سجل حساب مجاني اليوم لتصبح فردا من أسرتنا! بمجرد تسجيل الدخول، ستتمكن من المشاركة في هذا المنتدى عن طريق إضافة مواضيعك ومشاركاتك، وكذلك التواصل مع الأعضاء الآخرين عن طريق الرسائل الشخصية الخاصة بك!
للاسف بهاي انت غلطان لانو لو ترجع لتاهل نيوكاسل هالسنة للابطال راح تشوف ان سبب تأهلهم وراه لاعبين و هم ايزاك و تونالي . و ما ننسى انه كان سبب رئيسي في حصول ميلان عالكالتشبو قبل كم موسم . انا تخوفي مو من تونالي ابدا بل التخوف كله من طريقة توظيفه في الملعب و اقرب دليل لكلامي هو لوكاتيللي يلي كان ممتاز مع ساسولو و المنتخب و كان مثل النحلة و يقتنص انصاف المساحة و يتحرك عليها و كل هالاشياء كانت سبب لتحرك اليوفي للتعاقد معه بس للاسف وقع تحت ايد اليغري يلي حوله للاعب ارتكاز قدام المدافعين ليصير بنظر بعض المشجعين عاهة و ثقيل ولا يصلح انه يكون احتياطي مع العلم ان قبل لوكاتيللي كانت في تجربة بيانيش مع اليغري و بنفس المركز و مع نفس التحول و نفس الطلبات من نفس المتخلف اليغري .بيانيش يلي كان نجم بخط الوسط فجاة صار ثقيل و مو قادر على لعب الشيء يلي يتقنه و الكرات يلي كان يتفنن فيها صرنا نحن كمشجعين نحلم بواحدة من تمريرات بيانيش او مهاراته .
لماذا انا غلطان
اخوي الفكرة الحالية للادارة بالظاهر تغير مع كرة القدم الحديثة و صار التفضيل لكل لاعب عمره يكون بين ال 22 و ال 27 لهيك ايسكو بيكون خارج كل حساباتهم . رويز مع البي اس جي بجانبه لاعبين من الطراز العالمي ( فيتينيا و جواو نيفيس) و بيساعدوه و يسهلوا عليه دوره . و بالمنتخب معه لاعب مثل بيدري و اولمو و رودري . انا ما بدي تشخصن الامور و تفهمني غلط لانو عم نتناقش و النقاش فيه الصواب و فيه الغلط و يمكن نكون نحن سوا صح او نطلع نحن الاتنين غلط . بس صدقني تونالي كلاعب لخط الوسط ممكن يرفع الجودة بشكل ملحوظ
تونالي نسخة منقحة ومزيدة من لوكاتيلي
بصراحة انا ما بعرف شو سبب التهجم على لوكاتيللي مع انها كان من افضل لاعبي اليوفي بالموسم المنصرم . انا ما بقول انه سوبر ستار . بس لو رجعنا لارقامه هالموسم بنشوفه مقدم مستوى ممتاز هذا غير انو لما نرجع لخط وسط اليوفي يا ترى مين كان مقدم موسم احسن منه اللاعب الوحيد في وسط اليوفي كان تورام هو يلي اخذ العين و كان متميز .هذا غير انو اصلا المتخلف اليغري عمل تغيير لمكان و مهام لوكاتيللي و مع هيك المسكين بيحاول يقدم اقصى ما عنده و الدليل على كلامي لما ترجع لبداية الموسم راح تشوف كيف لوكاتيللي كان هو السبب الرئيسي باغلب اهداف اليوفي من صناعة و ضغط وافتكاك بالاخص لما كان يتقدم ليضغط عالخصم في منطقته و قريب من منطقة جزاءه . هاي عندك مثلا عنك دي يونغ لاعب برشلونة ما بيقدم ربع مستوى لوكاتيللي و مع هيك بتلاقيه الكل يمجد فيه وبيحكوا انه لاعب سوبر مع انه اللاعب الاضعف في خط وسط برشلونة بس وجود بيدري و اولمو مغطي على دي يونغ و تكتيك مدربهم مو تارك مجال لاظهار ثقل دي يونغ
