( محدث ) التشكيلة المتوقعة الأولية لليوفي ضد لاتسيو غداً الخميس

[A.L.E 10]

@MAJESTIC JUVENTUS 10

و شخصياً كنت متابع لبوغبا في سنوات مع المان يونايتد و نشوف تمريراته و صناعاته الكثيرة لكن شنو ذنبه اذا كان مهاجمين الفريق منتهين او بنهاية مسيرتهم

و ما جا لليونايتد مدرب حقيقي الا بعد رحيل بوغبا ، الدنيا حظوظ

https://twitter.com/i/web/status/1531963530659958787

 

[JuveG1988]

انت قلت لا زال صغير مثل كييزا , لا زالوا صغار ، و الشباب و الصغار طبيعي بيكونون حالتهم افضل ، ما اعرف شلون ماخذها بالعكس على اساس اللاعبين الكبار اكثر الطبيعي حالتهم البدنية تكون افضل ؟

بعدين كلامي واضح انه طاقم اليوفي الطبي ما قدر يحل مشكلة فلاهوفيتش حتى اليوم و قابلة انها تعاوده بأي وقت و المشكلة زادت و بدت نهاية الموسم الماضي ( و هو لا زال لاعب شاب ) ، و ممكن تكون الجراحة الحل الافضل حتى يتخلص منها نهائي ( لكن السؤال ليش للحين ما تقرر له الجراحة ؟ ) ، طبعاً ما راح يطرح هذا السؤال الا لما تتفاقم المشكلة اكثر و اكثر ، و حتى تعرف انه طاقم اليوفي الطبي ضايع بكل مافيه ، و مع كييزا قالك أمس اصابته تفاقمت و زادت مدة غيابه و حالياً كل فترة يتعرض لمشكلة , يعني نقدر نقول الطاقم الطبي لليوفي مأثر و لا ؟

ما اخذتها بالعكس بل انت اللي فهمت غلط
قلت الاعب شاب وصغير وتهور يروح لكأس العالم لاول ممره في حياته وممكن اخر مره في ظل ضعف منتخبه
ولكن ما عذر بوغبا يتهور كل هئا التهور وهو بالاساس فاز بكأس العالم من قبل؟ بل واحتمال 100% يتم استدعاءه لكأس العالم 2026
ايش عذره يترك كل نصائح الاطباء ويرفض العمليه ويضيع وقت؟ وفي النهايه عملها!
تصرفات طفوليه تتوقعها من الاطفال هذه مش من لاعب فاز بكل شيء من قبل ولديه خبره كبيره!
وكلامي واضح جدا ولا مره ظافعت عن طاقم الييوفي الطبي, طاقم يحتاج له طرد بالكامل ولكن هذا لا يحذف وضع بوغبا اللي بالاساس اخذ استشاره اطباء من الخارج وليس اطباء اليوفي وقيل له نفس الكلام! ونحطه في الطاقم, لان هذا وضع بوغبا اخر السنوات

له موسمين مصاب ؟؟!! ما صدقت فيها ! الموسم قبل الماضي 2020-2021 كان موجود في أغلبه ، و الموسم الماضي 2021-2022 ممكن نقول غاب نصفه ( و اخر ظهور له كان في ابريل ) ، و ماهو معقول ما عرفوا يتعاملون معاه حتى نقول ايه رجع للملاعب و بعدين مباراتين ثلاث رجع أصيب
و شنو دخل قصة شعر و يسافر بالموضوع ، المواضيع الشخصية مالنا دخل فيها ، و حتى معانا باليوفي باهم مواسمه عادي يغير قصة شعره ( شدخل يعني نرجع لها الحين نصيده )
و اللاعب ما ينتظر نمدحه او نشجعه , لانك بالاساس ما مدحته حتى بافضل مواسمه في اليوفي يوم خرج من الفريق او في مانشستر او في منتخب فرنسا , بس خفف الكراهية لا اكثر و لا اقل

موسم 2020-21
عدد المباريات اللي لعبها بوغبا كامله هي 19 مباراه فقط
بقيه المباريات اما يلعب لك اقل من ساعه او يدخل احتياط اخر نصف ساعه ومجموعها 14 مباراه
عدد المباريات اللي غابها في المجمل سواء اصابه او اي سبب ثاني او دكه هي 19 مباراه\
وين لعبه اغلبيته بالله عليك؟؟ موسم كامل فوق 50 مباراه وما قدر يلعب الا 19 منها مباراه كامله والبقيه لا يذكر بين خروج بدايه الشوط الثاني او يدخل لك اخر المباراه او جالس دكخ او مصاب!
لا شخصنه ولا غيرها، كان من افضل لاعبي اليوفي لما كان موجود، وتمنيت بقاءه ولكنه رمى اليوفي بعرض الحائط من اجل اموال اليونايتد ومن اجل "بيته" وهئا من حقه
ولكن يرجع لنا بعدما اصبح شبه منتهي ويتعامل معاه بمعامله اسطوريه ورقم 10 وكل شيء وفي النهايه نشوفه في بيته ويسافر يمين يسار ويعمل فيديوهات وهو يرقص وهو مصاب!!!!!
وتتوقع يبقى لنا ذره احترام له؟ مستحيل.

و اغلب المشجعين ما يكرهون بوغبا و لا شيء ، ممكن البعض شدها في البداية لما طلع لكن بالنهاية انت اللي قاعد للحين 7 سنين شادها و تعدد قصات شعر بوغبا من يوم طلع للحين

وين السنين 7 اللي تكلمت عنه؟ نادرا اتكلم عنه
لاعب راح وخلاص, قدم اللي عليه ورحل, كتاب انقفل خلاص
ولكن من اللي رجع بنفسه بعدما طرد من اليونايتد؟ هو
ومين اللي في الوقت المفترض فيه يهتم بنفسه لا يرهق جسمه ولا يتعب جسمه قاعد يسافر يمين يسار وقاعد يرقص في الانستجرام؟ هو
مين اللي رامي كلام كل اطباء في امريكيا وهنا في عرض الحائط؟ هو
ومين اللي في النهايه يعاني؟ اليوفي ومشجعيه
لان ابو تسريحه يفضل يلعب في كل مكان ولا يقدم اي احترافيه والاهبل انييلي والاداره الحاليه ترفض تعمل صفقه لان معنا اسطوره بوغبا
حتى الحمار اليجري تعب منه وكلامه في اخر مؤتمر صحفي يبين شده اليأس منه
حتى اليجري يأس منه!!! هههههههههه اليجري من بين كل الناس

ديبالا متراجع في روما , صحيح هذا ماهو ديبالا اللي نعرفه و عنده افضل بكثير ، تسجيله 7 اهداف بالدوري ما يمثل قيمة ديبالا ، و انا اعرف قيمة ديبالا و اعرف انه عنده افضل من هذا بكثير , لكن سوء الحظ في مسيرته مع اغلب المدربين ( بغض النظر عن الاصابات اخر المواسم ) كان واضح ، و حتى مع المنتخب ما توفق بالمدربين ، لا تخليني ضد ديبالا , بس ابد هذا مو ديبالا حتى معانا لما يكون جاهز

ديبالا بالمجمل هئا الموسم سجل 10 اهداف وصع 5 اهداف وهو رقم جدا جيد خاصه انه مع مورينهو
هداف اليوفي بكل البطولات هذا الموسم هو ميليك ب8 اهداف فقط
وافضل من صنع اهداف في اليوفي هو كوستيتش ب6 اهداف فقط
يعني ديبالا مع المنتهي مورينهو جاب ارقام افضل من هداف اليوفي وصانع العاب اليوفي!
ويستمر مسلسل كوارث اداره اليوفي

بس طبعاً انت ما علقت على نقطة المدربين لبوغبا في مانشستر ( مورينهو و سولسكاير و رانجنيك ) و كأنه المدربين ماهم مأثرين بس مع اليغري تأثر !

مورينهو على سوءه جاب لهم بطوله ما كانوا يحلمون فيها من سنوات طويله
وفوقها تألق اكثر من لاعب معه، مثل ابرا موسم 16/17 لما ساهم في 38 هدف بعمر 34 مع مورينهو
او الشاب راشفورد بعمر 18 ساهم في 18 هدف
روني وهيريرا ايضا قدموا موسم طيب بالمساهمه في 31 مع بعض
بينما بوغبا اللي خسر عليه النادي ذلك الوقت 100 مليون ما صنع الا 6 اهداف وسجل 9!
الموسم الثاني الفشل كان مكتوب له خاصه في ظل مشاكل اللاعبين ضد مورينهو وعلى رأسهم بوغبا
ومع ذلك لوكاكو تألق ولينجارد وراشفورد ومارتيال قدموا ارقام جيده وحتى بوغبا جاب افضل صناعه ب13 هدف ذلك الوقت
ولكن مشاكلهم انهت كل شي
مع سولسكاير تألق الكثير معاه اول موسم
وسولسكاير اوصلهم للمركز الثالث في الدوري ووصلوا للنصف النهائي في الثلاث البطولات الاخرى وبينها الدوري الاوروبي
في عدد الدقائق الملعوبه بوغبا كان المركز 18 في النادي ذلك الموسم
واللي شال اليونايتد كان البقيه خاصه ثلاثي الهجوم وخلفهم فيرنانديز اما بوغبا كان مشغوله في العياده
موسم 20/21 سولسكاير اوصلهم للمركز الثاني لاول مره منذ سنوات واوصلهم لنهائي الدوري الاوروبي
وين كان بوغبا؟ في عدد الدقائق الملعوبه كان رقم 11 وهو جيد نسبيا
ولكن من كان افضل صانعي العاب الفريق؟ فيرنانديز (17 هدف) و راشفورد (15 هدف)
وحتى هدافي الفريق كان فينانديز ب28 هدف! وراشفورد يكمل تألقه ب21 هدف!
حتى لاعب الارتكاز الدفاعي مكتوميناي سجل اهداف اكثر من بوغبا
كثير لاعبين تألقوا مع المدرب وبوغبا ارقامه مقارنه بهم متواضعه!
ما يحتاج اتكلم عن المواسم اللي بعدها، حيث كان غائب بالاساس اكثر من انه لعب
كل من مورينهو وسولسكاير تألق معهم لاعبين كثر، ولكن بوغبا عمل مشكله مع واحد والثاني كان متواضع معه! لماذا؟

و شدخل مقارنة ارقام المهاجم في لاعب الوسط ؟! يعني كمثال بقارن ارقام مودريتش او كروس في ريال مدريد بارقام بنزيما او فينيسيوس او رونالدو او غاريث بيل بغض النظر عن الموسم ؟ ، شدخل مقارنة ارقام مهاجم في لاعب وسط ؟

فينانديز لاعب وسط ومقدم ارقام في التسجيل والاهداف افضل من بوغبا. حتى انه سجل فوق 20 هدف في احد المواسم!

و اذا شفنا اليوفي الموسم الياي بمدرب جديد و فرضنا بوغبا لعب اكثر و قدم ، يعني بيكون الوضع عادي معاك عكس الحين و لا بداخلك شيء بيكون فرحان انه بوغبا للحين صفقة ماهي ناجحة من حيث الاصابات ؟

لا نعلم بالغيب او يجي مدرب جديد او يروح، اذا جاء مدرب جديد ولعب بوغبا موسم كله طبيعي راح اهتف للاعب
ولكن نحن نتكلم عن الحاضر والواقع وليس علم الغيبيات
الحاضر بوغبا له سنتين مختفي ما نسمع اخباره الا اذا فيه مشاكل سواء مع عائلته او اصاباته او رحلاته الاستجماميه
ولكن متلا سمعنا اخبار بوغبا تألق مباريات عديده وتهتف عليه الانديه؟ قبل كم سنه؟
ومع ذلك تمت معاملته كأنه ملك لما وصل واعطاءه رقم 10 تاريخي ههههههه والله هزلت

ممكن تعلمني بالله منو ذولي الكل اللي قال هذا الشيء ؟ انا ما شفتها و انا متابع للتعليقات الايطالية و العربية ، و ماله دخل بوغبا في ديبالا ، مراكزهم مختلفة , بس منو ذولي المريضين بعقلهم اللي شفتهم يربطون موضوع ديبالا ببوغبا و منو افضل ( ذولي من المريضين بالكرة و يدور الاستفزاز فقط ) ؟ و اذا من حيث الراتب فـ حتى باريديس و غيره نفس الراتب تقريباً ، بس مرة مرة ماله دخل اللي يربط صفقة بوغبا في رحيل ديبالا !

كل كبار الحسابات في التويتر كانت مليئه بالردود من مشجعي اليوفي يضربون في ديبالا ويمجدون بوغبا وديماريا
حتى بعض الحسابات عملت لها انفولو من كثره اخبارهم الاستفزازيه اللي تهين ديبالا فقط من اجل مدح بوغبا
وحتى المواقع العربيه مثل كوووره كانت مليانه اللي يهينون ديبالا وقالوا بوغبا المنقذ
فعلا منقذ العياده

و انت ما علقت بعد على نقطة باريديس : نفس الشيء و تقريباً اكثر من حيث الاصابات بالمواسم الاخيرة ( و تقدر تشوف اخر موسمين منو لعب اكثر هو او بوغبا ) ، و راتبه نفس بوغبا و مركزه نفس بوغبا و ارقامه اقل من بوغبا ( مع اني شخصياً اشوفه لاعب جيد لو كان بمدرب افضل و عنده لمسات حلوة ماهو شرط تكون بالاسيست و الاهداف , الكرة جماعية و ممكن تساهم بالهدف مثلاً بدون الاسيست ! و المثال مودريتش روح شوف ارقامه من 8+ سنين مع انه يلعب بفريق ألقاب و تتويج مو مدربين مثل مورينهو و اليغري و سولسكاير و رانجنيك )

باراديس قد علقت عليه وعن اصاباته من قبل
حتى لما جات اخبار التعاقد معه تمنيت ما يجي وقلت الى متى الاداره تبحث عن المصابين ؟
وفي نهايه اليوم باريديس راح يرجع للباريس ونفتك منه
ولكن بوغبا واليجري جالسين فوق رؤوسنا

 

[A.L.E 10]

موسم 2020-21
عدد المباريات اللي لعبها بوغبا كامله هي 19 مباراه فقط

الموضوع شخصنة واضحة

اذا كان بتحسبها بعد بمباريات كاملة فجوهرتنا ديبالا ما لعب الا 15 مباراة كاملة الموسم الماضي و 5 مباريات كاملة موسم 2020-2021 و 14 مباراة موسم 2019-2020 و قبلها 20 ، يعني صارت 19 مباراة كاملة فقط فقط قليلة جداً ، مو كذا الاصطياد : ) و نقدر نطبق نفسها و نحسب مع لاعبين ثانيين بس انت رابط الموضوع براسك في ديبالا و مكرهك زيادة في بوغبا , هذي مشكلة ثانية !

بس أبد النقاش ما يصلح بهذي الشخصنة على اللاعب ، يعني قلنا لك شلون تقارن لاعب وسط بمهاجم و قلنا لك مثال مباشر بطل الكرة الذهبية مودريتش ما رديت علي فيها لانك ما راح تلقى ارقام معاك بس منتظرك تقلل من مودريتش و كروس و غيرهم خصوصاً اللي يلعبون بثنائي وسط ما بالك بثلاثي وسط مثل مودريتش و كروس ؟

دليل واضح انك ما تتابع مانشستر بشكل مستمر مثل ما كنت انا اتابعه و بس تحاول تدور بارقام تقلل فيها منه و قالك في موسم كذا كان هذا سجل اكثر و في موسم كذا هذا صنع اكثر ( مثل لما اقول يعني مثل لما اقول ماكيني سجل اكثر من ديبالا 2019-2020 و اغمض عن باقي التفاصيل لان اغلب ارقامك يايب لي مهاجمين او هجوميين تقارنهم في لاعب وسط !! ) ، راح تتعب صدقني و انت تدور يمين و يسار ، و بوغبا اغلب فترته مع مانشستر يلعب في ثنائي وسط ( و بغض النظر عن المدربين ) هذا ماهو مركز الادوار الهجومية و مطالب بالدفاع كثير و اذا انت ما شفت مركز برونو و مركز بوغبا فـ مفترض ما تقعد تتصيد فيها ، و تقول الفشل كان مكتوب لمورينهو بالموسم الثاني و بالعكس كان افضل موسم و بوغبا مساهم فيها في 18 هدف بس تقدر تروح تبحث بالمهاجمين لان بتحصل ساهموا اكثر و دخلهم بالمقارنة ، بس اكيد بوغبا كان المشكلة بالموسم الثالث اااه

و للحين تدخل الضحك في النقاش و قالك اليغري بين كل الناس , من هو اليغري اللي بناخذ في كلامه و اعذاره ؟ هذا ما يستاهل أي خير و يا ليت ما نشوفه الا مع مدرب جديد

اذا شفت مريضين يربطون موضوع ديبالا في بوغبا احنا مالنا دخل فيه علشان تشخصنها بعد عندنا ، و موضوع الرقم 10 بعد تفاهم معاه مع ادارة اليوفي تجارياً علشان ترتاح من هذي النقاط اللي مسببة صداع لان مالها دخل في الشخصنة ، و منو هم كل كبار الحسابات في تويتر يضربون في ديبالا و يمجدون في بوغبا ؟ روح تفاهم معاهم , انا ما اشوف فيه حساب كبير في تويتر , المشجعين سواسية و ما شفت الكلام اللي تقوله في غالب متابعتي حتى للطليان ، و لان اليوفي تعاقد مع فلاهوفيتش و دي ماريا و ثم ميليك و كوستيتش في تعزيزات الهجوم و بوغبا كان للوسط مش للهجوم ! شدخل ما ادري ، يعني اقدر اقولك ميليك مسجل الحين 7 اهداف لليوفي بالدوري و اقول مثل رقم ديبالا و ما فقدناه و بطيخ ( مالنا شغل بالدوري الاوروبي حالياً ) ؟ انت تدور هذي الفرص , لكن الكرة فيها تفاصيل

 

[JuveG1988]

الموضوع شخصنة واضحة

اذا كان بتحسبها بعد بمباريات كاملة فجوهرتنا ديبالا ما لعب الا 15 مباراة كاملة الموسم الماضي و 5 مباريات كاملة موسم 2020-2021 و 14 مباراة موسم 2019-2020 و قبلها 20 ، يعني صارت 19 مباراة كاملة فقط فقط قليلة جداً ، مو كذا الاصطياد : ) و نقدر نطبق نفسها و نحسب مع لاعبين ثانيين بس انت رابط الموضوع براسك في ديبالا و مكرهك زيادة في بوغبا , هذي مشكلة ثانية !

بس أبد النقاش ما يصلح بهذي الشخصنة على اللاعب ، يعني قلنا لك شلون تقارن لاعب وسط بمهاجم و قلنا لك مثال مباشر بطل الكرة الذهبية مودريتش ما رديت علي فيها لانك ما راح تلقى ارقام معاك بس منتظرك تقلل من مودريتش و كروس و غيرهم خصوصاً اللي يلعبون بثنائي وسط ما بالك بثلاثي وسط مثل مودريتش و كروس ؟

دليل واضح انك ما تتابع مانشستر بشكل مستمر مثل ما كنت انا اتابعه و بس تحاول تدور بارقام تقلل فيها منه و قالك في موسم كذا كان هذا سجل اكثر و في موسم كذا هذا صنع اكثر ( مثل لما اقول يعني مثل لما اقول ماكيني سجل اكثر من ديبالا 2019-2020 و اغمض عن باقي التفاصيل لان اغلب ارقامك يايب لي مهاجمين او هجوميين تقارنهم في لاعب وسط !! ) ، راح تتعب صدقني و انت تدور يمين و يسار ، و بوغبا اغلب فترته مع مانشستر يلعب في ثنائي وسط ( و بغض النظر عن المدربين ) هذا ماهو مركز الادوار الهجومية و مطالب بالدفاع كثير و اذا انت ما شفت مركز برونو و مركز بوغبا فـ مفترض ما تقعد تتصيد فيها ، و تقول الفشل كان مكتوب لمورينهو بالموسم الثاني و بالعكس كان افضل موسم و بوغبا مساهم فيها في 18 هدف بس تقدر تروح تبحث بالمهاجمين لان بتحصل ساهموا اكثر و دخلهم بالمقارنة ، بس اكيد بوغبا كان المشكلة بالموسم الثالث اااه

و للحين تدخل الضحك في النقاش و قالك اليغري بين كل الناس , من هو اليغري اللي بناخذ في كلامه و اعذاره ؟ هذا ما يستاهل أي خير و يا ليت ما نشوفه الا مع مدرب جديد

اذا شفت مريضين يربطون موضوع ديبالا في بوغبا احنا مالنا دخل فيه علشان تشخصنها بعد عندنا ، و موضوع الرقم 10 بعد تفاهم معاه مع ادارة اليوفي تجارياً علشان ترتاح من هذي النقاط اللي مسببة صداع لان مالها دخل في الشخصنة ، و منو هم كل كبار الحسابات في تويتر يضربون في ديبالا و يمجدون في بوغبا ؟ روح تفاهم معاهم , انا ما اشوف فيه حساب كبير في تويتر , المشجعين سواسية و ما شفت الكلام اللي تقوله في غالب متابعتي حتى للطليان ، و لان اليوفي تعاقد مع فلاهوفيتش و دي ماريا و ثم ميليك و كوستيتش في تعزيزات الهجوم و بوغبا كان للوسط مش للهجوم ! شدخل ما ادري ، يعني اقدر اقولك ميليك مسجل الحين 7 اهداف لليوفي بالدوري و اقول مثل رقم ديبالا و ما فقدناه و بطيخ ( مالنا شغل بالدوري الاوروبي حالياً ) ؟ انت تدور هذي الفرص , لكن الكرة فيها تفاصيل

وين الشخصنه في الموضوع، يعني اذا اللاعب اشوفه فاشل وانت تشوفه رائع يعني موضوع شخصي؟

ديبالا الموسم اللي قبل ماضي ما احد يقدر يدافع عنه،، اسوء موسم له على الإطلاق والموسم الماضي كان اهون من اللي قبله، ولكن مع ذلك جلب لك أرقام جيده جدا، من صناعه أهداف او تسجيل او صناعه لعب وهذا الشي قلل من ثقل غياباته او عدم لعبه غالبية المباريات. مساهمه في ٢١ هدف الموسم الماضي شفعت له.
ولكن بوغبا ماذا فعل؟ بوغبا معروف ميزته هي جسده واستمراريته وطول نفسه، مع صناعه لعبه، وين هذه الاشياء اخر ثلاث مواسم؟ طيب لو قلنا خلاص ما يقدر يقدم هذه الأشياء ايش شيء ثاني يقدمه لنا؟ رعاه جدد ولا متابعين جدد اي شي؟
ديبالا عمره ما كان لاعب بدني ولا لاعب طويل النفس يقدر يلعب مباراه كلها، خاصه في ظل اليجري اللي يلزمه دائما ببناء اللاعب من عند المدافعين. ولكن مع ذلك عندما يلعب يعمل الفارق، والأهم انه لعب وسجل وصنع. وينه بوغبا الان؟ ووين ديبالا؟ بسيطه جدا. وديبالا ليس مهاجم عشان نقول أرقام مهاجم صريح، بل غالبية الوقت صانع لعب.

مودريتش ولاعبين الريال ما تابعتهم، لا قبل سنه ولا سنتين وابدا ولا مره شفتهم الا ممكن مبارتين او ثلاث، فما ادري ليش تريدني احكم عليهم وادخلهم وانا ما ادري عنهم شي؟ وما ادري بالاساس ليش تجيب سالفه لاعبين ما لهم دخل باليوفي!

مانشستر ما تابعت كل مبارياتهم، ولكن تابعت كفايه منهم، انت جلت عذر المدربين وأنهم اثروا على اللاعب في مستواه، ولكن الواقع يقول المدربين اللي ذكرتهم تألق معهم الكثير في مانشستر، سواء وسط أو مهاجم، ولكن فقط بوغبا اللي مستواه كان عادي بشكل عام ويتألق فقط من فتره لفتره، ثم اختفى في دوامه الاصابات. لو فيه خير كان تألق مثلما تألق البقيه، ولو المدربين ما كان فيهم خير ما كان تألق معهم مجموعه لاعبين. أما ماكيني اول موسم له كان ممتاز معنا والكل كان متأمل فيه، حتى مدحنا في ارقامه حتى قلنا بس، ولكن عبقريه اليجري قالت إن اللاعب جناح وقتلت مميزاته وانهار اللاعب، ولا كان عنده إمكانيات يوصل بعيد. مورينهو و سولسكاير تألق معه كثير من اللاعبين وفي النهايه رحلوا بسبب منظومه مانشستر السيئه في التعامل مع المدربين وإعطاء صلاحيه للاعبين. بينما في المقابل اليجري الكل منهار معه ولا احد تألق، يبين ان المدربين الثانيين افضل منه بمليون مره. اعتقد نتفق حرام نسمي اليجري مدرب ومع ذلك اللي حرام نسميه مدرب تعب من حركات بوغبا، حتى اللي نقدر نسميه مدرب مثل مورينهو اللي عالاقل يجيب لك بطوله في الموسم تعل منه ورحل بسبب مشاكل بوغبا والبقيه.

في النهايه الايام راح تبين مين الصح، وحتى الحين لمده ٥ شهور وكلامي كله صحيح وكل اللي قلته صار، وباقي لنهاية الموسم نشوف بوغبا ايش بيعمل، راح يلعب بالاساس ولا راح يختفي بالكامل. ونشوفه الموسم الجاي. صفقه تاريخيه حتى الان وأعتقد انت الوحيد اللي حتى الان مازال يشجع اللاعب وعامل فيه لاعب خرافي.