طبعاً البعض و رغم توقف الثلاث شهور الكامل بيطيح باللوم على ساري مباشرة ( خصوصاً من الغايبين )
ابي اتكلم عن بعض التفاصيل و بعدها اللاعبين كلهم واحد واحد :
اول شيء كم اللاعبين المتوفرين للفريق ؟ كم اللاعبين المتاحين حتى بالدكة ؟ و بمثل هذا الوقت بالتحديد بعد 100 يوم بدون مباريات ؟ احد يقدر يقولي دكة اليوفي افضل من نابولي مثل اليوم ( أقص يدي ) ؟
و بالنسبة للاعبين ما اشوف صراحة لاعبين يتحركون و يحاولون غير بوفون سوى دي ليخت و بينتانكور ( لياقتهم جيدة ايضاً ) ...... الباقي لاعبين ممكن لياقياً ضايعين مثل ديبالا ( و انا اعذره جداً كونه حتى متعافي من كورونا و لكن شنو عذر الفريق ماهو متوفر له بدلاء يدخلون للهجوم ؟ ) ، و لاعبين مخيبين من زمان مثل بيانيتش و حتى اليكس ساندرو ، و رونالدو حتى الآن ما دخل الجو بعد التوقف رغم اننا ننتظر دائماً منه الكثير ، كوادرادو يحاول في غير مركزه في الظهير لتغطية لاعبين عاهات تعاقد معهم الفريق للظهير ، بينتانكور يحاول لكن لمساته الهجومية عند التسديد ختى الآن ما تطورت ( لما شفناه يسدد لا زال يفقدها و هنا بمثل هذه الحالات تحتاج للاعبين الوسط اللي يصنعون الفارق ) ، ماتويدي طبعاً معروف انه لا تنتظر منه صناعة الفارق لكنه الاكيد افضل من رابيو البارد الكسول
و اللاعبين الموجودين بالدكة اليوم فقط بيرنارديسكي و دي تشيليو و رابيو و دانيلو و روغاني ، رامزي ماهو جاهز ، ما شاء الله ! انا اقول طبيعي يكون فيه عدم جاهزية بدنية لكن الغير طبيعي هو قلة الخيارات بالفريق ! خطورة نابولي اليوم كانت حاضرة بوقت متأخر بالشوط الثاني ( مع التبديلات الجاهزة اكثر بدنياً و مع تراجع كبير في لياقة لاعبينا ) و لا فريقهم كان يلعب بعشر مدافعين ! وين دكتنا ؟ منو يدخل ؟
لكني اسمع اليوفنتوس عنده فريقين بالملعب و الدكة !! ودي اقتنع بالمعلومة ،
و الكلام طويل
