Tmw : اليوفي يعرض على هالاند راتب 3.5 - 5 مليون , رايولا يريد 15 مليون !

[mkobaissi]

mkobaissi


بعيد عن السلبية و غيرها , لكن بذكر لك كم نقطة : [[ اولها ترى هالاند ماهو قريب من اليوفي حتى الحين ( عروض كثيرة جدامه و ممكن يختار منها ) // ثاني نقطة اكيد هالاند ما راح يلقى مكانه في اليوفي مباشرة و ما نقدر نضحك على بعض سواء لانه شاب او لان الموجودين حالياً معروفين الاساسيين ( يعني من هذي الزاوية اليوفي صعب يستفيد مباشرة من اللاعب بكل الحالات مثل وضعهم مع روميرو و بيليغريني دفع فوق 25 مليون يورو و ثم اعارات و صعوبة الزج به مباشرة بالفريق الاول ) ,, مسألة الفرصة هذي من الاسباب اللي تخلي اللاعب نفسه يتردد بقبول اليوفي او غير اليوفي اذا ما يلقى مكانه من اللعب و هذا مفروض طبيعي و بالعقل يختار فريق يناسبه لهذه المرحلة الا اذا ( الفلوس تغير النفوس ) تعفس براس رايولا و يغير من راس هالاند بعد // ثالث نقطة و بناء على النقاط السابقة بعد : حالياً اليوفنتوس في أي المراكز يحتاج اكثر لاعبين و من سنين ؟ واضح خط الوسط هو النقص الاكبر فما اعرف بصراحة شنو ينتظر اليوفي حتى يدفع لتعزيز وسطه قبل باقي المراكز و يدور في المجاني و الرخيص // رابع نقطة , مسالة امكانيات اللاعب , اكيد الوقت راح يبين لنا الحقيقة , لكن بالمنطق حتى الحين اللاعب يلعب بالدور النمساوي و ماهو مقياس , عادي شفنا مهاجمين تألقوا و يتألقون كل سنة من الشباب مثل بايطاليا باتريك تشيك من سنتين ( قاعد يرجع حالياً مع لايبزيغ الالماني رغم التقليل الكثير منه اللي شفته لان اليوفي ما تعاقد معه بسبب الفحوصات الوهمية ) و بيونتيك الموسم الماضي ( اتوقع بيرجع يتحسن مع فريق غير ميلان ) , يعني فيه شباب يطلعون و بعضهم يواصل و بعضهم لا و النادي اللي ينتقل له يفرق لتألقه و تقييم هالاند صعب لان الدور النمساوي صعب يكون عبرة // و مثل ما قلت الوقت راح يبين و اللاعب نفسه لو ذكي بيختار فريق يلعب له مستمر اكثر حالياً و اتوقع الانسب له بالوقت الحالي مثل دورتموند و مانشستر يونايتد , حتى لو ينتقل لايبزيغ ماهو سهل يلعب على حساب الثلاثي فيرنر و بولسين و تشيك ]]
​

كلامك صحيح وعلى عيني وراسي .. انا ما قصدت ان اللاعب اختار الانضمام وخلص او اننا اشتريناه ولا هدفت اني اقول لازم نشتريه .. انا بس كنت انتقد السلبية اللي عند البعض اللي تحس ان ما في شي عاجبهم ويحسسوك ان النادي صار مهدد بالهبوط بعد .. اللي كنت ابي اقوله ان اللاعب لو وقع وطلع فقاعة فخمس واربعين مليون بالزمن هذا تعد مبلغ اقل من عادي ... نعم اوافقك الرأي ان التركيز لازم يكون على خط الوسط وعلى اظهرة من مستوى عالمي وان اللاعب مستحيل يلعب بإستمرار بالوقت الحالي واتوقع في موضوع سابق ذكرت ان اليوفي بالوقت الحالي قاعد يفكر بالأبطال وبالتالي يدور على اللاعبين الجاهزين واصحاب الخبرة مو الشباب

انا اعتذر من كل شخص اتضايق من كلامي السابق بس حلو الانسان يكون واقعي بتقييماته للامور ولا يسيطر عليه السلبية او حتى الايجابية المفرطة .. بالنهاية الله سبحانه وتعالى قال (انا عند حسن ظن عبدي بي) ورسولنا الكريم صلى الله عليه واله قال (تفائلوا بالخير تجدوه)