مرحبا بك عزيزي الزائر. سجل حساب مجاني اليوم لتصبح فردا من أسرتنا! بمجرد تسجيل الدخول، ستتمكن من المشاركة في هذا المنتدى عن طريق إضافة مواضيعك ومشاركاتك، وكذلك التواصل مع الأعضاء الآخرين عن طريق الرسائل الشخصية الخاصة بك!
مبروك الفوز ...
نجم المباراة الأول هيرنانيز :clapping::clapping::clapping: بعدين اييك واحد منسدح على بطنه وكرشه مترين وماله بالكره ويقول هيرنانيز فاشل :d يلعب وسط متأخر مو مركزه كل كره عاليه من الخصم يشارك فيها وياخذها او يشارك يدافع ويهاجم يلعب بالقدمين ويوزع الكره وسجل هدف حلو اللي من بدايه المباراة وانا حاس انه بيسجل لانه يحاول اكثر من مره , بس علشان ياي من الانتر صار لاعب فاشل !
ومن نجوم المباراة اليوم كوادرادو اللي كل مره يثبت انه اليغري حمار وانتوا بكرامه ! مايلعبه أساسي ولما ينزل بديل يغير اللعب للافضل لكن اليغري مايفهم !:bomb:
خضيره وساندرو من النجوم اليوم :clapping:
اسامواه مع انه من اللاعبين اللي احبهم لكن اشوف انه انتهى مو عارف يسوي شي اليوم !
روغاني الصراحه اخذ اكبر من حجمه اهوه لاعب للفرق الصغيره او المتوسطه ! اليوم مادري شنو مركزه اخطاءه وايد اليوم ! يستلم كره يهجم فيها يلعب باص غلط وتنقطع منه !!!
والله ذبحت هيغوايين يا اليغري لعبه تغير والسبه انت صار يتعب بالمبارايات يدافع ويهاجم وراح يكون معرض للاصابه باي وقت مثل ماصار اليوم !!!:bomb:
الاداره لازم تقعد مع اليغري وتفهمه انه نلعب بارضنا وبين جمهورنا نبي نشوف كره حلوه نبي نشوف كل واحد مركزه نبي نشوف الفرق تخاف منه !:bomb:
ادري انه فايزين ثلاث صفر بفريق الاحتياط لكن مايمنع نلعب بخطه هجوميه ! وليش الفرق الثانيه القويه تنزل بالتشكيله الاساسيه ضد هالفرق وتفوز باريحيه اللي احنا !
والله تعبت من اليغري ...!
