انـشرها وستسـمع خبـر مفرح اللـيلة .. !!!

[إيطاليّة]

السلام عليكم ورحمة الله وبركاته ..

كنت بكتب اللي مأجزين يردون .. بس اكتشفت أن الإجازة في السعودية مطولة شوي .. يا حرام ..


( مسـجات )

مسج على الموبايل يبدأ بدعاء وينتهي بـ ( انشرها وستسمع خبر مفرح الليلة ) ..

وآخر بـ ( انشرها .. لأن هنالك تاجر أبى أن ينشرها وخسر تجارته كلها ) ..

وثالث بـ ( انشرها لـ 13 شخص .. وانتظر خبر سار بعد 3 أيام ) ..


( ؟ ) ..

هذي بعض من المسجات اللي توصلنا دايما..

الغريب أنها متداولة بكثرة .. ويتم إرسالها بعدد الأشخاص المذكورين .. في انتظار الخبر المفرح .. !!!

بحثت في النت وقريت فتاوي من عدة شيوخ أنه لا يجوز نشر هذه المسجات .. والله أعلم ..



( أسئــلة نقاشيــة )..

* ما رأيك في هذه النوعية من الرسائل الدينية ؟

* ما هو موقفك من الرسائل هذه إن وصلتك؟

* هل حدث يوما وأن واجهت شخصا أرسل لك رسالة من هذا النوع ونصحته ؟



( مســج طريف) ..

مرة وصلنيَه مسج .. فيه سخرية لمثل هذا النوع من المسجات ...

المسج كان عبارة عن النشيد الوطني الإماراتي .. ينتهي بـ ( انشرها وستسمع خبر مفرح من ديوان الحاكم )..:lol:


في انتظار تفاعلكم ..

 

[يوفي للأبد 83]

[align=center]وعليكم السلام إيطاليهـ ،، يعطيج العافيهـ على الموضوع[/align]

[align=center]* ما رأيك في هذه النوعية من الرسائل الدينية ؟

مسجات إذا فيها أدعية للإستغفار و تذكر احاديث نبوية شريفة أكيد معاها ومع نشرها .*

ما هو موقفك من الرسائل هذه إن وصلتك؟

أقراها كاملة إذا فيها شيء مفيد و ينصح دينيا .


* هل حدث يوما وأن واجهت شخصا أرسل لك رسالة من هذا النوع ونصحته ؟

لا ما واجهت أحد فيهم ونصحته حتى بالمسنجر لما يرسل مثلا أقوله جزاكـ الله خير وبس .[/align]

 

[WALLY_JUVE]

هلا ايطاليهـ ..


أنا سمعت الشيخ محمد العريفي يوم ساله واحد عن هالسؤال ..


قال انها مغلووطهـ ..


فلا أحد يعلم الغيب إلا الله ..


و محد يقدر يجبركـ على الشي إلا الله ..


فما يجوز ان واحد يجبركـ ترسلها ..


قال ان بعض الناس الله يهديهم من حرصهم على نشر الخير يسلكون طريق خطأ ..


/


حلوة الرساله اللي وصلتكـ هههههههههههههههههههههههههههههههه

 

[Juve Princess]

[align=center]و عليكم السـلام و رحمه الله و بركـاته

ليش إنتِ عطلتي ؟؟
أبي أعطل

نبدء بالأسئله النقـآشيه :-


* ما رأيك في هذه النوعية من الرسائل الدينية ؟

مـآ تعجبني أبد و أصـلاً أي مسج ديني يوصلني على الإيميل مـآ أقرآهـ أبد !


* ما هو موقفك من الرسائل هذه إن وصلتك؟

أحذفهـآ على طول قبل لآ أقرآهـآ لو كـآنت على الإيميل
أمـآ في الجوآل الحمد الله مـآ يوصلني مسجـآت زي كذآ


* هل حدث يوما وأن واجهت شخصا أرسل لك رسالة من هذا النوع ونصحته ؟

إييييهـ كثير بس للأسف يرجعون يرسلونهـآ :s

مشكورهـ على الموضوع الرآئع

سلمتـِ[/align]

 

[اليوفي دمي]

عليكم السلام والرحمه ..!!

اول شي نقول مبروك العطله

ما رأيك في هذه النوعية من الرسائل الدينية ؟

والله خلقه رساايل الاميل مااعترف فيها ولا عمري فتحتهن..

وان جتني اقراها وامسحه علطول ..

* ما هو موقفك من الرسائل هذه إن وصلتك؟

مجرد قراايه .. وان كااانت مفيدهـ خليتها مااعجبتن مسحتها ..

* هل حدث يوما وأن واجهت شخصا أرسل لك رسالة من هذا النوع ونصحته

اكيييييد.. بس ماااقول له شي لانه فترهـ ويشووف اني ماارد عليه بمسج ولا شي ويعرف انها ماجازت لي..


اوما مسجك الظريف .. ههههههههههههههههههه راايك للاخر ( اوما انشرها وتسمع ديوان الحاكم ) :04:


والف عاافيه اختي على الموضووع القييم

 

[THE T(1)P]

السلام عليكم ورحمة الله وبركاته ..

كنت بكتب اللي مأجزين يردون .. بس اكتشفت أن الإجازة في السعودية مطولة شوي .. يا حرام ..

وعليكم السلام ورحمة الله وبركاته

وعن العطلة ليش تقولين يا حرام!!

اصلا احنا مستانسين وما نبي العطلة تجي :sad:

نحن شعب مجتهد
واحلا اوقاتنا نقضيها بين الكتب

واذا ذاك اليوم المدرس خلص الدرس مبكراً نقوله : لا لا لا تكفى زدنا من المعرفة

وفي الويك إندِ لنا مقولة مشهورة:
" يالله , متى يجي يوم السبت"

^^
هذا اللي ما يعرف يصلخ = يتسذب = يكذب بعنف

اما بالنسبة لموضوعتس فباجأوبتس وانا كلي شوق الى المحاضرة القادمة <<مشكلة اللي يكذب الكذبه ويصدقها


* ما رأيك في هذه النوعية من الرسائل الدينية ؟
رسائل ما ادري وش يستفيد كاتبها منها بقدر ما هي استهزاء في عقلياتنا وفي ديننا
وتدل على ضعف الثقافة الدينية لدى اللي يرسلونها

* ما هو موقفك من الرسائل هذه إن وصلتك؟
اي رسالة مثل هذي اوالرسائل اللي ما فيه لها سند صحيح امسحها على طول

* هل حدث يوما وأن واجهت شخصا أرسل لك رسالة من هذا النوع ونصحته ؟
الرسائل اللي تكلمتي عنها جتني منها مرة وحدة بس من زمان وما اذكر هل نصحت مرسلها اولا
لكن تجيني بعض الاحيان رسائل فيها بدع او ادعية واحاديث ما لها صحة ,واذا كان احد قريب مني مثل اخواني او اقربائي انصحهم .


ومشكورة على الموضوع المهم واللي ان شاء الله يكون له دور في التقليل من هذي الرسائل

لكن فيه سؤال : متى تنتهي العطلة عندكم ؟ ​

 

[أسد اليوفي]

موضوع جميل لنقاش والطرح

الله يعطيك العااافية

* ما رأيك في هذه النوعية من الرسائل الدينية ؟

قرأت فتوى بعدم جواز ذلك

الخير نصح وتوجيه

ولا احد يعلم الغيب لو بعد دقيقة ... فكيف وهو يحدد مدة زمنية بعد !!

* ما هو موقفك من الرسائل هذه إن وصلتك؟

أنظر للمضمون لو كان ذا خير وفائدة أخذت به

وأترك الجزء المتعلق بنشر وما يصاحبه من عبارات

* هل حدث يوما وأن واجهت شخصا أرسل لك رسالة من هذا النوع ونصحته ؟

للأسف لإ

ربما حذرت منها عن طريق الحديث لمن تأتيهم هذه الرسائل وليس للمرسل نفسه



موضوع جميل ويعطيك العافية

والله يعينك على الرد إلي قبلي

 

[إيطاليّة]

[align=center]يوفي للأبد ..


مب قصديَه المسجات الدينية العادية ..

أنا أقصد المسجات اللي فيها دعاء وآخر شي يقولك انشرها وستسمع خبر مفرح ولّا شي من هالخرابيط ..

في أدعية بدون بدع .. وقابلة للنشر ..أما دعاء وانشرها وانتظر خبر مفرح .. فهذا الغريب ..

عموما الله يعطيك العافية ..



WALLY ..

ماتعرفلهم هو حرص ولّا جهل ..؟!

حلوة الرساله اللي وصلتكـ هههههههههههههههههههههههههههههههه

ههههههههه عن جد حلوة ..

تسلم على المرور ..



Juve Princess ..

أبي أعطل

تعالي الإمارات كااااك ..

مسجات التلفون تكون فيها مرات أدعية حلوة ..

أما الإيميل فخرافات خيالية ..

بس ايميلاتج الدينية حلوة ..

عموما خلج منتظمة في الدوام أوكي ؟

تسلمين على المرور ..[/align]

 

[°ღ اليــ عطرــوفي ღ°]

.


[align=center]
وعليكم السلام ..



* ما رأيك في هذه النوعية من الرسائل الدينية ؟

اذا المسج ديني وكلام مفيد على عيني وراسي ، بس اذا المعلومات اللي فيه مشكوك فيها لابعد وانشرها

لتسمع خبر هذي ماتعجبني ، وامسحها على طوول ..



* ما هو موقفك من الرسائل هذه إن وصلتك؟

لما تكون المعلومه اكيده ومفيده نممكن ارسلها بس امسح (ارسلها لتسمع خبر حلو ) واكتب انشر تؤجر

يعني الي يبغى الأجر بكيفه ينشر مو بالقوه ولا مجبور .


* هل حدث يوما وأن واجهت شخصا أرسل لك رسالة من هذا النوع ونصحته ؟

للأسف كثيييير بس مانصحته شخصياً ممكن اتكلم بصفه عامه ان هالنوعيه من الرسايل غلط وفيها استغفال للناس .



الف شكر على الطرح

تحــــياتي ..
:rose:[/align]


.

 

[إيطاليّة]

سليم 11 ..

الله يبارك فيك ..

انته شراتيَه .. الإيميلات يوم احس أنهن ثقّلن على اللابتوب أقراهن ..

الله يعافيك وشكرا على المرور ..



The t(1)p ..

وأنا أقوووول ضمير ( التس ) هذا مش غريب عليّه .. طلعت إنته ماغيرك ..

بعدين ترى حسيت أتك ترمس عن شعب اليابان .. مب السعودية ..:lol:

أي إجتهاد أي متى يجي يوم السبت ؟عن أصدق بس .. :lol:

والإجازة تخلص بعد شهر .. احسبها ها ؟

تسلم على المرور والله يعطيك العافية ..



أسد اليوفي ..

جد أضحك يوم أقرا المدة الزمنية المحددة .. مادري بشو يفكرون يوم يكتبونها ..

منوّر الصفحة خيّو ..



عطر اليوفي ..

حلوة حركة مسح الجزء الأخير .. ما فكرت فيها ..

شاكرة لج مرورج ..

 

[::.. سـهــم ..::]

[align=center]( أسئــلة نقاشيــة )..


* ما رأيك في هذه النوعية من الرسائل الدينية ؟


إذا كانت صحيحه فما فيه مشكله .. بس لا يحلفني أرسلها

لأنني في هذه الحالة سوف أغضب غضباً كثيراً وباللغه العربية الفصحى بعد



* ما هو موقفك من الرسائل هذه إن وصلتك؟


إذا كان قصدك الرسائل اللي فيها تحليف وغيره فأنا أعتبرها سخافه

لأن اللي يبي الدين يعرف طريقه .


* هل حدث يوما وأن واجهت شخصا أرسل لك رسالة من هذا النوع ونصحته ؟


أكيد وصلني .. لكن أني أنصحه فما أعتقد لأن ماني أبوه ولا أخوه الكبير ولا جايبه وناسيه .


تشكرات موضوع واقعي [/align]