مصرى ؟ أهـ .يوفنتينو ؟ أهـ.ساكن فى القاهرهـ ؟ أهـ .. مستنى إيه أدخل !

[ALEXDELPIERO]

بسم الله الرحمن الرحيم



تنطبق عليك الشروط اللى فى العنوان ؟
اه.. ماشى
لا.. طب داخل ليه ؟

طبعا شباب زى ما انتم شايفيين من العنوان الموضوع ده عباره عن دعوه للاعضاء

المصريين اللى فى المنتدى او اى عضو مش مصرى يصادف وجوده فى مصر و بالتحديد

القاهره فى وقت الماتشات انه يجى التجمع اليوفنتينى المعروف اللى بيكون فى الماتشات

الكبيره و ماتشات القمه.. و طبعا العدد بيختلف من مره للثانيه على حسب ظروف كل واحد

لكن الشيئ المؤكد انك هتتبسط و انت بتتفرج على الماتش مع حبايبك البيانكونيريه

بدل ما تكون قاعد وحيد قداك شاشه التلفيزيو حطط ايدك على خدك

تعالى و نتفرج سوا احسن و طبعا انا عملت الموضوع ده بعد ما لاحظت ان فى ناس كثير

بتكون نفسها تيجى اى تجمع بس مش عارفه و ده اللى كان بيحصلى شخصيا قبل كده

و معلومات عـ السريع...

التجمع هيكون ابتداء من ماتش الستى بكره باذن الله و ماتش الديربى ضد الانتر يوم الاحد

يعنى كل واحد و ظروفه و الوقت اللى يقدر يجى فيه

و مبدئيا التجمع بيكون فى مدينه نصر قبل الماتش بساعه او 2

اللى هيقدر يجى و حابب.. يكتب رد فى الموضوع و علشان يعرف التفاصيل
يراسلنى او محمد ITALIANO


:juve:
​

 

[ITALIANO]

فكرة حلوة جدا ,, و يا ريت الاعضاء اللى موجودين فى القاهرة يتفاعلوا مع الموضوع لانة فعلا هيبقى جامد جدا انك تتفرج مع مجموعة كلها بتحب اليوفينتوس ,,

هنفرح مع بعض و هنزعل مع بعض ,,

احنا فى انتظار الردود عشان نحدد المعاد و المكان اللى هنتقابل فية كلنا قبل الماتش​

 

[ALEXDELPIERO]

هنفرح مع بعض و هنزعل مع بعض

هو بإذن الله مش هنزعل بس فعلا هى دى اللى بتفرق والله يا محمد لما تكون قرفان تلاقى حد تفضفض معاه و تطلع اللى فى نفسك بدل ما تكتم فى نفسك و تطلع زعلك فى حاجه تانيه

عـ العموم احنا لسه معانا وقت و لو محدش شاف الموضوع بدرى على اساس ان ماتش السيتى كمان ساعات ان شاء الله يلحقوا ماتش الانتر

:juve:
​

 

[ABDO24]

فكرة حلوة شباب لكن ما بقدر نكون معاكم
ان شاء الله يكون تفاعل وحكيو لنا وش اللي صار بينكم

 

[حفيد السيدة العجوز]

..

يا سلام سلّم على جدعان مصر
هوووبا & حمووود ، كيفكم حبايب قلبي ؟
اللي في القاهره بس
أومّال اللي في الصعيد حيعملوا إيه <
ما بيتفرقّوش وما بيفضفضوش بعد الماطش يخووويه ولا إيه :nosweat:
ـــــ
و الله فِكره رائعه منكم و أنتم أروع يالغالين
إيهاب سعادة البيه ، و محمد الباشا الكبير
حقول إيه تاني فيكم بس
و من كثر حبي لكم قلبتو لهجتي مصري على صعيدي خخخـ :2(1)(1):
و بجد أتمنى من شباب القاهره التفاعل والحضور وعمل شوية صخب بيانكونيري
وِ ان شاء الله ما تطلعوا من جمعتكم إلا وانتوا فرحانين بالفوز
ــــ
و أنا بس حبيت ألقي السّلام و أحرّضكم على التفاعل
و الله يعطيكم الصحه والعافيه كلّكُم
إيهاب أنت ومحمد .. يا بخت الشبكه اليوفنتينيه بيكم واللهِ :qlb1:
و عندي سؤال أخير بس إذا ممكن ؟
- هوّه جـلاجل فيها بيانكونيريّه ؟
و شاكر ومقدر لكم مره ثانيه أخواني وحبايبي :qlb1:

..​

 

[ALEXDELPIERO]

فكرة حلوة شباب لكن ما بقدر نكون معاكم
ان شاء الله يكون تفاعل وحكيو لنا وش اللي صار بينكم

اهلا عبدو فعلا الفكره ممتازه و على فكره زى ما قلت مش جديده ..التجمع موجود من زمان يمكن من ماتش تشيلسى فى 2008/2009 بس كل ما فى الامر اننا بنشوف الناس الجديده اللى متعرفض حاجه عن التجمع ده
و اكيد طبعا بيتبقى شويه مواقف كوميديه خطيره و ساعات بتقلب بأفلام اكشن لو فى اى مشجع للانتر و لا حاجه

و ان شاء الله عبدو تيجى معانا مره

حفيد السيدة العجوز

حبيبى قلبى انت والله كفايه بس ردك اللى نور الموضوع

اللي في القاهره بس
أومّال اللي في الصعيد حيعملوا إيه <
ما بيتفرقّوش وما بيفضفضوش بعد الماطش يخووويه ولا إيه :nosweat:

احنا تمام الحمد لله انت عامل ايه ؟
هتوقعنا فى الغلط كده يا عم امجد.. بلاش الصعيد
و لا اقولك علشان خطرك الدعوه مفتوحه و لو للى فى موزمبيق حتى

و الله فِكره رائعه منكم و أنتم أروع يالغالين
إيهاب سعادة البيه ، و محمد الباشا الكبير
حقول إيه تاني فيكم بس
و من كثر حبي لكم قلبتو لهجتي مصري على صعيدي خخخـ

و بجد أتمنى من شباب القاهره التفاعل والحضور وعمل شوية صخب بيانكونيري
وِ ان شاء الله ما تطلعوا من جمعتكم إلا وانتوا فرحانين بالفوز

هى فكرتنا بس اننا نعملها هنا فى المنتدى انما التجمع موجود اصلا من الاول :smile:
بس طلعت بتتكلم مصرى احسن مننا والله مش عارف ازاى ؟
عـ العموم الايام جايه كثير و بإذن الله يكون فى وقت كافى علشان الشباب يشوفوا الموضوع
و عايز منك وعد انك تيجى معانا مره ماشى يا برنس

و أنا بس حبيت ألقي السّلام و أحرّضكم على التفاعل
و الله يعطيكم الصحه والعافيه كلّكُم
إيهاب أنت ومحمد .. يا بخت الشبكه اليوفنتينيه بيكم واللهِ :qlb1:
و عندي سؤال أخير بس إذا ممكن ؟
- هوّه جـلاجل فيها بيانكونيريّه ؟
و شاكر ومقدر لكم مره ثانيه أخواني وحبايبي :qlb1:

احلى سلام

و حلوه تحرضنا دى
و يا بخت اى منتدى بيك مش احنا يا ريس
بس مين جلاجل دى ها ؟ خخخخخ


عـ العموم اتمنى ان يكون فى التجمع ده فى اى بلد عربى مش فى مصر بس و اللى كانت الفكره تايه عنه جاتله اهوه

:juve:




​

 

[DIEGOღRIBAS]

و اخيراااااا لقيت حد يعمل تجمع في القاهره انا ساكن في مصر الجديده و اتمنى اعرف بس فين المكان بالظبط في مدينه نصر ؟؟؟

 

[ALEXDELPIERO]

^^^
ده على اساس ان فى تجمع فى حتى تانيه اصلا غير القاهره

عـ العموم انا برده ساكن فى مصر الجديده و التجمع بيكون فى اول عباس و لو عايز تفاصيل اكثر و جاى هقولك
:juve:
​

 

[DIEGOღRIBAS]

انا ان شاء الله حاي و لو تتكرم بس تقولي عالموعد و المكان يبقى احسن

 

[ITALIANO]

http://www.juve1897.net/vb/member.php?u=1854

حفيد السيدة العجوز​

ايوة بقى ,, وسع لمجوووووووود ,, اية يا عم امجد انت فين انا مش بشوفك خالص بس فضلت تقولى انا هبقى موجود على طووول و لا انت موجود و لا الهوا ,, بس انت لازم تيجى مرة معانا هتبقى دماار بجد ,, على العموم ان شاء الله تبقى كويس و نشوفك فى المنتدى لان وجودك فيى هيبقى حاجة تانية خالص ​

و اخيراااااا لقيت حد يعمل تجمع في القاهره انا ساكن في مصر الجديده و اتمنى اعرف بس فين المكان بالظبط في مدينه نصر ؟؟؟​

بدأت تندع اهى ,, عايزين ناس تانية يا جماعة عايزين نبقى كتيير كدة ,, التفاصيل كلها هتبقى مع ايهاب يا باشا ​

 

[ALEXDELPIERO]

^^^
زى ما بقولك التجمع بيكون فى اول عباس و هيكون قب الماتش بساعه تقريبا و بعد كده بنروح لكافيه قريب برده متخفش
لو كده راسلنى احسن
:juve:
​

 

[DIEGOღRIBAS]

اوكي هنتراسل احسن و ان شاء الله اكون معاكم و نتمنى من الاعضاء الي في القاهره يشاركونا

 

[اليوفي موت]

فكرة جميلة جدا وشافيها قبل
مشكورين اهل مصر واتمنى ان يكون فيه تجمع حتىفيى ليبيا
وفي كل الدول العربية لكى يكون فيه تعرف جديد للناس الطيبة
وانا فى هدا المنتدا تعرفت على ليبيى والان ليه مدة معاش دخل فى المنتدا اتمنى
انه لا يكون فيه شر ويكون فيه الخير واتمنى من احد الاعضاء فتح موضوع
هو نفس الى شفته فى منتدا اخر مانيا وهو عبارة عن الى يطول غيبته نسئلو عليه عن طريق هدا
الموضوع ومشكورين وان شاء الله ننتضر منكم الصور وانتم فرحانين يارب

 

[ALEXDELPIERO]

^^^
اكيد ان شاء الله و بعدين ده انت يا راجل فى ليبيا يعنى موطن اليوفنتوس الاول فى الوطن العربى و عن تجربه

و على فكره التجمع ده هو هو اللى كان موجود قبل كده يعنى مش تجمع جديد و لا حاجه

و منور حبيبى الموضوع