انا في سؤال محيرني و يا ريت لو الاقي له جواب مقنع .
التهجم على لوكاتيللي بهالطريقة شو سببه؟
كلاعب بمركزه يا ترى شو المطلوب منه؟
بيقطع الكرات و يغطي مكان اي لاعب بيطلع بالهجمة سواء قلب دفاع او اظهرة.
بيتحول لقلب دفاع عند اللزوم .بيستلم الكرات و اكثر لاعب بيحرر نفسه و يطلب التمرير له . بينسق بين الدفاع و الوسط و يربطهم. العتب بالكرات الطولية مثلا؟ طيب مو مطلوب منه هالشي حسب متطلبات موتا لان مبين ان موتا بيطلب منه تحول جهة اللعب من جناح لاخر و هو قاعد يقوم بهالدور .
انا ما عم اقول انه سوبر ستار و وسط عالمي بس حابب احكي شي لكل حدا حابب ينتقده يا ريت ترجع تتفرج على كل مبارايات اليوفي هالموسم و راح تنصدم انه اغلب اهداف اليوفي اجت من ضغط لوكاتيللي و افتكاكه للكرة بمنطقة الخصم .
بس مشكلتنا انو نحن مرات بننتقد اللاعب فقط بداعي الانتقاد لا اكثر مثلا قبل فترة الكل كان يتهجم على دانيلو بس الحقيقة مو دانيلو الملام الاصح نلوم موتا على اشراكه لانه لاعب كبير بالعمر و صاير ثقيل و ما عنده قابلية للتاقلم على متطلبات موتا . وكمان ما ننسى ان دانيلو اصلا تألق بخطة الثلاث مدافعين و اشراكه بخط دفاع رباعي كان كارثة .
انا ما عم اقول لا حدا ينتقد بالعكس الانتقاد مطلوب بس بعقلانية و حكمة مو بس لمجرد الانتقاد
انا ما كثير بنتقد موتا لعدة اسباب اولها انه مدرب جديد و الفريق جديد
تانيا كلنا شفنا انطلاقة موتا مع اليوفي لما كان الفريق كامل و لما اشوف شوية تدهور بمستوى الفريق بسبب اصابة اهم لاعب بخط دفاع موتا وقتها ما فيني اقول ان موتا فاشل لان شفته شو عمل لما كان فريقه مكتمل .
ثالثا انا كمشجع لليوفي لازم اتقبل الهزيمة و التعادل مثل الفوز لانه جزء من اللعبة بس ما بتقبل ان فريق بحجم اليوفي يجي كل فريق مهما كان حجمه يبهدل اليوفي و يحط عليه كل المياراة و يركنه بالدفاع لتسعين دقيقة .
وكمشجع لكرة القدم بحب لما اتفرج عالمباراة استمتع باللعبة مو تلعي نفسي و اشوف تلوث بصري و سمعي و كروي مثل يلي كان قبل.
و متعصب لليوفي من حقي قبل و بعد المباراة اسنع مدرب الفريق و هو يقول جملة (نريد الفوز حصد النقاط) مو يطلعلي مختل عقلي قبل المباراة ما حدا يفهم منه شي و يطلع بعد المباراة يحسسك انه خسر قدام اقوى فريق بالعالم و هو اصلا بيكون خسران من ساليرنتانا او سببزيا
كل هذا قاعد بشوفه من و مع موتا لهيك شو يلي راح يخليني انتقده و انا رجعت اتفرج بكل مباراة لليوفي بشغف و اتفاعل مع كل شي بالمباراة و بشوف السيطرة كلها لليوفي و تاني اكثر الفرق استحواذ عالكرة بعد سيتي غوارديولا
