من المؤتمر الصحفي لمدرب اليوفي ساري قبل لقاء سامبدوريا غداً الاحد

[A.L.E 10]

من المؤتمر الصحفي لمدرب اليوفنتوس ماوريزيو ساري قبل لقاء سامبدوريا مساء غداً الاحد في الجولة 36 للدوري الايطالي 2019-2020 ~

عن الهدف غداً قال : " غداً نريد جلب النقاط الثلاث للمنزل و تحقيق هدفنا ، يجب ان نكون واضحين و ندخل الملعب برغبة كبيرة ، في اوديني في المباراة الاخيرة خسرنا تنظيمنا بعد ان قدمنا الكثير ، انفصلنا و توسعنا كثيراً بسبب رغبتنا في الهجوم " ..

و قال عن الخصم سامبدوريا : " سامبدوريا فريق وجد طريقة لعبه , هو قادر على الحفاظ على التنظيم لفترات طويلة من المباراة ، لن يكون فريق سهل مواجهته , قد يعطون انطباع بعدم وجود دافع كبير لديهم بسبب مركزهم بالدوري لكن هذا لن يحصل لأنهم خسروا الديربي للتو ، بالوقت الحالي لا احد يجب ان يتجاوزنا من حيث الدافع , لدينا هدف واضح بالاعتبار " ..

عن الموسم و ما بعد فترة التوقف : " اعطى الفريق اشارة جيدة لأنه اصعب موسم في تاريخ الكرة الايطالية ، في نتائج المباريات الاخيرة كانت هناك صعوبات لجميع الفرق ، بمثل هذا الموسم المعقد , الفريق عمل بشكل جيد رغم وجود محال للتحسن " ..

عن ميراليم بيانيتش قال : " لعب 46 مباراة هذا الموسم ، لعب بيانيتش كثيراً و بالوقت الحالي لديه ألم صغير يمكن علاجه و اليوم يعود في المجموعة و سنرى غداً اذا ما سيلعب او لا ، في اخر مباراتين كان علي اتخذ خيارات مختلفة ضد فرق بدنية " ..

عن اللاعبين المتاحين له بشكل عام بالفريق و مسألة التكيف قال : " يجب ان اتكيف مع خصائص اللاعبين المتاحين لدي ، لا يمكن للنادي شراء 25 لاعب و الا سأذهب لتدريب نفسي ، يجب عكس الكلام " ..


​

 

[Sleem]

"

يجب ان اتكيف مع خصائص اللاعبين المتاحين لدي​

"...اتمني ان يقترن القول بالفعل ..

 

[HAJRIERO]

ان شاء الله يخلص الدوري على خير ونفتك منك!
لا تصاريح ولا تشكيله ولا تكتيك بالملعب!!!

 

[A.L.E 10]

قبل تغيير المدرب و تسليمه للمدرب الجديد , اهم شيء الادارة تركز و تحافظ على اللاعبين اللي موفرين حلول مهمة من دانيلو و دي تشيليو و روغاني و ماتويدي و خضيرة و بيرنارديسكي و رامزي و كوستا و اليكس ساندرو ، و يجددون اعارة كولوسيفسكي في بارما ، و نرجع ندخل الموسم الياي من بدايته مع 14-15 لاعب متاحين مع عيال المستشفيات اذا كنا نصدق ان الاصابات تحصل و فيه لاعبين يصابون اكثر و غيره ، و الله يعين الجميع يارب و يعدي الوباء عن العالم و الظروف القاهرة و يشفي مرضى المسلمين​

 

[HAJRIERO]

آمين يارب...

ترى الكورونا والتعب والارهاق مو بس عاليوفي على كل الفرق! بس مانشوف مستواهم سيء من التشكيله والتكتيك!

ثاني شي ترى مو من زين الاسامي اللي ذكرتهم غير كوستا! وغريبه ماتبي حبيبك رامزي !

مو كان عنده كانسيلو وسبينازولا وايمري وبلغريني وبيانيتش ! ليش مايبيهم؟!

وبعدين انا ماني فاهم ليش ادافع عن مدرب وليلحين موسمه صفريييييي!


لا وغير هذا يبي جيرجينهو وميليك !

 

[A.L.E 10]

انا ودي اوصل رايي كامل في موضوع منفصل من سلبيات و ايجابيات و غيره ، بس بحاول اقول لك اللي ببالي في بعض النقاط اللي ذكرتها

ساري ماهو المدرب المعصوم عندي او عند أي احد يتمنى استمراره و لا هو المدرب الساحر ، و مستحيل بنتعذر كل المباريات اللي خسرناها بالاعذار , الكل يشارك بالمسؤولية ، يالسمي الموضوع بأكثر من جهة , يعني الصراحة لو تشوف الفريق الحالي و الله الخيارات محدودة / ممكن الاحظ عليك انت مع الاستمرار بالتشكيلة الاساسية بس شلون تلعب كل 3-4 ايام و اغلب اللاعبين ما عندهم بدلاء ( ممكن ترتاح و انت تبدلهم او تريحهم ، يعني لو مثلاً ديميرال جاهز و عندك بونوتشي و دي ليخت , فيه راحة اهني اكثر و انت تبدل بينهم ) و غير انك مضطر تلعب عاهات مرات اساسيين ، فيه لاعبين ممكن شفنا عليهم استمرارية و مقدمين زين بس حتى اهما تحصل مباراة فجأة تلاحظ عليهم تعب , هذه فترة ماهم متعودين عليها ، و عارفين انه ماهو اليوفي بس , بس كل فريق شوف عاد دكته و شوف اصاباته و شوف اداءه ، منو تشوف افضل فريق بالدوريات الأربع لعب بفترة الزحمة و بدون لا يسوي تدوير ؟

يعني انت كنت تبي كوستا يلعب مستمر مع انك تدري ممكن يصاب بسرعة و انا والله اشوف دوغلاس كوستا اكثر لاعب ممكن يكون حاسم لو هو فعلاً بجاهزيته و لا يصاب بس خلاص الموضوع وصل حده و لا كلنا عارفين كوستا و قيمته ، و كان واضح الخطة الاستعانة فيه على الاقل 30-40 دقيقة بالمباريات و اللاعب بنفسه اذا ما شفت تصريحه متكلم عن نقطة الاصابات ، و هذا اللي قاله من شهرين : " هناك اوقات كنت افكر فيها : هل يمكنني الاستمرار باللعب ؟ لأنني أذهب للملعب و أصاب مرة اخرى ، ثم عند مشاهدة التلفاز أفهم هذا أن هذا هو شغفي و انه لا زال بامكاني اللعب على مستوى عالي ، انا امزح مع زميلي اليكس ساندرو بأن لدي صدى أكثر من المشاركات ، يقول الناس ان دوغلاس لديه القدرة ليكون واحد من بين افضل اللاعبين في العالم لكن الاصابات تمنعه ، هذا الشيء يزعجني ، لدي القدرة لأكون لاعب ممتاز لكن سواء كان بخطأي او لا , لا أستطيع ان اكون بأفضل شكل , هذا مزعج جداً " ..

بالنسبة لرابيو و بيانيتش و رامزي ، و البداية من رامزي تقولي حبيبك ( ايه والله , اذا دوغلاس كوستا و بناء على اللي شفته اشوفه نجم , رامزي و بناء على اللي قدمه في ارسنال بس عيبه الدايم - الاصابات - و الحين قرب من الـ 30 سنة و واضح عليه المشاكل البدنية اكثر من مسألة نوعية , تشوف عليه الثقل و الاصابات ما استبعدها ، كنت اتمنى بداية الموسم مثل ما اتمنى لكوستا يكونون جاهزين باستمرار و متأكد بيكونون اضافة بس رامزي ماهو قادر يكمل مباريات على بعضها و اتوقع التوقف خربها اكثر لان قبلها كان بدا يدخل ، و الفريق خلاص ما بيقعد ينتظر كل فترة على ما يجهز رامزي اذا بيكمل على هذا الشكل من حيث الجاهزية و الثقل ) ، و شفنا رابيو اخر المباريات فيه قتالية اكثر و يتحرك بس بدون ما نضحك على بعض ما عنده اللمسة اللي تفرق بالامام بس الصراحة اول 20 مباراة لاعب عادي ( لعب حوالي 25 مباراة اساسية حتى الحين ) و كل التقييمات حتى دليل عليها , ما بدا يرتفع تقييمه الا اخر كم مباراة ( و اتمنى فعلاً يستمر يتحسن و لا يستمر بس على كذا , وقتها بيكون حتى لو اشتروا لاعب وسط جديد , يكون فيه دكة زين جاهز )

و مع بيانيتش ، تراه لاعب اساسي من اول الموسم و موسمه المخيب اهوا بنفسه اللي يتحمله ، قليل جداً شفناه بالدكة ، بيانيتش لما نقرا اسمه نتوقع التمريرات الحاسمة اول شيء و نتوقع لما يهاجم يكون فارق بس صراحة هالاشياء ما شفناها ، و بالدفاع والله يخوف و ثغرة لما يهجمون من العمق عليه ، و مع هذا ماهو ساري اللي باعه , شفنا الصفقة التجارية 100 % ، بينتانكور ماهو الخيال اللي بيغطي مكان الريجيستا بشكل عام بس ممكن يتطور اكثر مع الوقت و اتوقع انت تتمنى هالشيء بعد : ) و لا ندري اذا بيتم ريجيستا او جورجينهو او لاعب غيره ، السوق للحين عندي غامض , الاندية متأخرة مع هالمباريات

و بالنسبة للاسماء : [ والله العظيم انه ماهو ساري اللي يدير سوق الانتقالات و احنا شايفين الفريق من سنتين قاعد يخربط اكثر بالسوق و يبي الارباح بزيادة و مبادلات و لا منو كان يتوقع صفقة في اخر السوق المالي 30 يونيو في مبادلة سبينازولا بيليغريني ! واضحة الفلوس لاعبة براسهم ، اقص ايدي اذا ساري له علاقة كان بالسوق ، اتمنى انهم قاعد يشوفون الفريق هذا الموسم و العاهات و الزجاجيين و اقول لعل و عسى السوق الياي نشوف جم صفقة زينة بدون خرابيط , مو شرط توب و يتعزز الفريق ]

و بالنسبة للسوق الحالي , تو الناس , للحين نايمين الناس ، و صفقة المهاجم حتى لو كان ميليك , احنا نبي جناح توب يكون مع ديبالا و رونالدو , المهاجم ممكن يكون مهاجم زين للدكة , اذا راح رونالدو يصير خير وقتها لازم يشترون مهاجم توب

مسألة الفرصة للمدرب , ماهي معناها يعني موسمه اللي كان مقنع و خلاص لازم يكمل , بس اسلوب اللعب غير و اللاعبين المتاحين وضحت فوق يعني خيارات ماهي كثيرة و مافيه عنده الضمان لنجاح أي احد بس هذا الشعور من متابعتنا ( و غير انه اللاعبين كانوا متعودين على اسلوب غير بالدفاع ) ، يكون الحكم افضل مع صفقات افضل و مع موسم ثاني ، يعني لو بناخذ مدرب ثاني , نفس الشيء الادارة لازم تقوم بسوق زين ، و لو صارت و اختاروا مدرب مفروض بعد الفكر الهجومي اكثر بس مافيه مدرب بيدخل الفريق الا و الفريق لازم يصحى بالسوق الياي

ان شاء الله موسمك ماهو صفري و يحسم و نفرح كلنا باللقب هذا بعدين نفكر شنو يحصل بعده :icon26:​

​

​

 

[HAJRIERO]

ترى ابي نفوز ان شاء الله ابي استاااانس مو كل مباراة حاط ايدي على قلبي ضد اي وفريق وخايف مايصير!

وين حلول المدرب؟! لاتقولي ماعنده لاعبين! ساسولو يعني عناصره افضل منك؟! موعارف تلعب احسن منهم وتفوز عليهم مباراتين!

طبعا مو بس ساسولو!

مو اهوه يطلب والا اهوه اللي مايبي اللاعببن ليش وافق يصير مدرب؟!

بالعناصر اللي عندي اثبت على تشكيله قويه ولا سمح الله اذا صارت اصابات والا ايقافات ابتكر حلول عاللي موجود عندي ! مو انزل بالشوط الأول بتشكيلة واذا توهقت الشوط الثاني بدلتهم!


وضد الفريق البدني تشكيله وضد الفريق اللي مادري شنو تشكيله! ترى ملينا من خوف الطليان!!!

انا كمشجع ابي استانس بالفوز واللعب، مو اسمع تصريحات تنرفز ولعب وتشكيله تنرفز أكثر!

 

[A.L.E 10]

اتوقع قلت لك اغلب الاشياء : ) و انت بنفسك اعترفت في مباراة لاتسيو ان الفريق و المهاجمين ضيعوا فرص كانت تخلص المباراة قبل البلنتي , يدخل المدرب مكانهم يسجلها ؟ ، و مباراة ساسولو كنا ماشين حلو بالبداية 2-0 بعدين شوف الاهداف ( الهدف الاول بيانيتش يتمشى و بينتانكور راكض يغطي عليه بيشيلها بس غلط فيها و اليكس ساندرو ضايع لمسته و صنعها / الهدف الثاني تشيزني يصور بس مفروض بعد ما كانوا يرتبكون الفاول بهذا المكان ) ، بعدين انت تقول اذا توهق بالشوط الثاني يبدلهم ( يعني منو بالدكة علشان يدخل غير دوغلاس كوستا اللي هو معترف نفسه في سالفة الاصابات ؟ ) ، رابيو بالدوري بعد التوقف بس مباراة ريحه و لعب ماتويدي ، بينتانكور بعد التوقف ما ريح أي مباراة بالكاس و الدوري و حتى تبديلات بس مرة وحدة تبدل ! طبيعي جداً يتعب و هو احسن لاعبينا هالموسم بالوسط ، و بيانيتش اللي يتمشى ببعض الاهداف اهوا بنفسه كان يصير اجهادات عضلية بالفترة العادية ( شلون بفترة الزحمة هذي ) ، هذا خط وسطنا , غير اظهرتنا و غير الاضطرار لـ ( روغاني ) ، قايلين المدرب يشارك بالمسؤولية و قلت لك تقريباً اغلب اللي بداخلي فوق : ) ، غير ان الوسط ماهم توب , بس على ماهم عليه الثلاثة او الاربعة اذا تعبوا او يحتاجون راحة منو يلعب مكانهم ؟
​

 

[HAJRIERO]

وانا قاعد اقولك اهوه مدرب ويبتكر حلول والا مايعرف يدرب؟!
والا بس شاطرلي يطلع يصرح ينكت فورمولا ومادري شنو !

انا تعبت منه خلاص والله يعين اللاعبين...

والله يستر باجر اللاعبين راح يدخلون بضغط وراح يتنرفزون واي نتيجه غغŒر الفوز بنسبه كبيرة راح الدوري!

 

[A.L.E 10]

نقول ان شاء الله تحسم

​

 

[HAJRIERO]

ان شاء الله

 

[walid uv]

استرجل انت و اللاعبين و هاتو ال ٣ نقاط لنحسم امورنا

Sent from my SM-J600F using Tapatalk

 

[Waleed halawani]

ساري مباراة اليوم عباره عن نهائي
العبوها كانها نهائي وريحونا وبعدها لكل حادث حديث
فورزا يوفي دائما وابدا

 

[بوحمد]

ان شاء الله يالربع نحسم الدوري اليوم ونتفرغ حق الابطال وبعدها تبتدي الإدارة تجدد الوسط لان بكل صراحة وسطنا يعاني في كل مباراة




فورزا يوفي :juve: