تكتيك ايطالي
على اي اساس حاط كونتي و ساري معاهم ؟ و على أي اساس مورينهو كان افضل منهم بالسنوات الاخيرة ؟ و الله ما كان ودي اطول في الكلام , لكن شيء عجيب جداً هذا التقليل من بعض الاسماء لدرجة مبالغ فيها , واحد محقق الدوري الانجليزي من سنتين جدام كلوب و بيب و مورينهو و واحد محقق موسم تاريخي مع اسماء اقل من اليوفي بالموسم الماضي و برصيد قياسي في تاريخ نابولي ،
انت تشوف زيدان خيار مفضل لك بعد بيب و كلوب , و فيه ناس تشوف ساري مفضل لها بعد بيب و كلوب و فيه ناس ما تشوف كلوب مثلاً مفضل لها و العكس صحيح ، و فيه ناس تفضل زيدان برايها اول واحد و ناس تشوفه ثاني او ثالث ، و فيه ناس تفضل عودة كونتي ممكن بحافز جديد ( او تشوف كونتي خيار ثالث رابع ) ، و فيه ناس تشوف اليوفنتيني الثاني ديشامب بطل المونديال الاخير عنده الاضافة للفريق لو كان خيار احتياطي ، و فيه ناس تشوف سيموني انزاغي بعد ظهوره و مستوياته بلاتسيو بيقدر يضيف شيء جديد كمدرب شاب متحمس ، غاسبريني يقدم شي ممتاز في اتالانتا لكن ممكن الاتفاق كبير انه مخاطرة اكثر من غيره و اما سباليتي هذا مفروض ما ينقال اسمه , ما شفنا منه لا اداء و لا بطولات اخر السنين رغم انه مفروض يضمن لفريقه مكان بمركز للابطال ، ممكن فيه ناس تفضل لو نقدر تاخذ مدرب بخبرة مثل انشيلوتي ، الاراء تختلف و بالمدربين خصوصاً كل موسم يتغير عن الثاني ، [[ الزبدة : اتفاق كبير على رغبة التغيير لكن المبالغة في التقليل من بعض المدربين استغربت منه ، و مع هذا كله مافيه احد يدري منو اكثر مدرب ممكن يحقق الافضل مع اليوفي : فـ منو كان يتوقع زيدان بمساعدة التحكيم يفوز مع الريال من اول موسم له ؟ منو كان يتوقع انريكي يفوز بدوري ابطال حتى لو كان مع نجوم ؟ منو كان يتوقع هذي البداية العظيمة لـ مدرب قادم من نادي مغمور مثل سولسكاير ؟ منو كان يتوقع دي فرانشيسكو يقرب جداً من التاهل لنهائي دوري الابطال الموسم الماضي لولا ممكن بعض الاخطاء التحكيمية و العودة بعد خسارة الذهاب ؟ منو كان يتوقع سيميوني يقرب جداً من اللقب اكثر من مرة و منو كان يتوقع فجأة سيميوني نفسه يخرج من الدور الاول الموسم الماضي ؟ و الامثلة كثيرة ... ]] الكرة عجيبة
الوقت حان للتغيير حتى من قبل سنتين على الاقل لاليغري لكن بصراحة ما اقدر اجزم على مدرب معين هو اللي بينجح و الثاني هو اللي بيفشل , كثير ما توقعنا لهم النجاح و نجحوا و العكس صحيح , ممكن لنا تفضيل واضح لبعض الاسماء لكن لا نستبعد بعض الاسماء الثانية و ما تخفيه الليالي تظهره الايام ,
