صحيح لكن فيدال راح للبايرن عشان المال مليونين و نص زيادة على راتبه ذهب للمال و صرح قبل فترة أنتقل للبايرن حسب ياخذ معاهم دوري الأبطال و اليوفي مو تارس عينه بعد ماوصلوا للنهائي هو خرب علينا في مباراة البارسا و كان بينطرد في المباراة. أما تيفيز طلع لأنه يريد الإعتزال في البوكا و في هذا رأيك كان صحيح و بيرلو يبي يلعب في بطولة أقل ضغط من الدوري الإيطالي و هو الأمريكي و ماكان السبب هو المال أو أعترض أن يشارك إحتياطي. بس فيدال طلع في وقت حرج و اليوفي في أمس الحاجة للاعب وسط و جعل وكيل أعماله يتفاوض مع الإدارة و بيعه فقط للبايرن. إذا أراد الخروج من الفريق خلي يخرج مافي مشكلة لكن تتشرط و تقول أبي البايرن و لا مابرجع و تهدد الله لا يهنيه لأنه جبر إدارة اليوفي لبيعه بمبلغ قليل بعد أن حصل على عروض من الريال و مانشستر ب 50 مليون يورو وبعناه 37 مليون فقط. اللاعب صرح بعد بطولة كوبا أمريكا ورفض أن يرجع لإيطاليا و هو في إجازة و و كيله بيتصرف كل شيء يتعلق فيه و بالميركاتو و صرح بأنه سيذهب للبايرن و كان لاعب مسجل في كشوفات اليوفي أنتقل و إنتقاله كان بشكل مقزز.
اهم شيء فيدال أجبر الادارة و هددها و تشرط انه يوافقون على عرض 37 مليون و ينتقل مباشرة للبايرن !!
شدراك ؟؟ اللوم على ادارة اليوفنتوس انها تقبل بعرض منخفض و لا تطالب بعرض اكبر و هذا اليوفنتوس مش اودينيزي علشان تكون شخصيتك ضعيفة في انتقال اللاعب و لا تطالب بقيمة كبيرة ! يعني زامباريني افضل من ادارة اليوفي في التصدي للعروض و طلب المزيد ! شدخل فيدال في قبول عرض 37 مليون يورو انا ما ادري ! فيدال اتفاقه مع البايرن و الباقي مع اليوفنتوس !
ياما اتفق اليوفنتوس مع لاعبين في السنين اللي طاف ( ما ينعدون من كثرتهم ) و بالاخير ما قدر يتفق مع انديتهم , شمعنى اليوفي اتفقوا البايرن معاه بسرعة ! لهذه الدرجة الادارة ضعيفة ! و لا فيدال هددهم بالسكين مثلاً , هههههه , كان باقي شهر و نصف للسوق , اليوم اللي باع اليوفي فيه تيفيز : بعده بـ 2-3 ايام اتفق مع البايرن لـ فيدال و كل الفترة الباقية اجراءات تفصيلية ,
مليونين و نص ؟ كنت احسب 5 ملايين زيادة , الاندية تغري النجوم بـ 10 و 12 مليون و فوق , الحين نعتبر 6.5 مليون مغرية كثير , عموماً الرواتب نقطة سوداء حالياً لليوفي و ما اعتقد فيها خلاف ,
ترى فيدال يشرب كثيراً و عادي تطلع منه زلات قليلة لكن معظم كلامه كان محترم عكس كومان الصغير , و بعدين رغبته طبيعي بتكون الفوز بدوري الابطال و هو يدري انه مع اليوفنتوس كان قريب جداً من ضمه , شلون وقت حرج و اليوفنتوس تو لاعب نهائي ابطال ؟ الحرج هو في ادارة اليوفنتوس اللي مالها خبرة في التعامل مع مثل هذه الاوضاع و تعويض النجوم بسرعة اذا كنت بالفعل للحين ترى اليوفي يفتقد لمكانه بغض النظر عن اسمه ,
أخطأ فيدال , كلنا بنقول أخطأ اكيد و ما تمينا يخرج و نقول كان يقدر على المزيد في اليوفنتوس لكن ماهي خيانة او حتى تقرب من الخيانة شيء انه جت له رغبة بالخروج لنادي ماهو خصم لليوفي و لا توصل 0.00001 % من الحرج اللي كان فيه اليوفي 2006 , و قدم 4 مواسم لا تنسى مع اليوفنتوس و ساهم في عودة افرحتنا جميعاً , على عكس الخاين اللي ما قدم الكثير بس كنا مرحلة عبور له
