لــــو .. كنت إداري في اليوفنتوس !

[ashiq]

السلام عليكم ورحمه الله وبركاته

اول مشاركه لي واتمنى قبولها بصدر رحب

ماراح اتكلم في الماضي والاغلاط الي صارت من قبل الاداره الغبيه .. كلامي كله عن مستقبل اليوفي في وجهه نظري المتواضعه

قبل كل شي الفريق لازم يتخلص من العاهات المتواجده مثل: جريجرا .. مولينارو .. تياقو .. مع ان الاخيرين ان شاء الله ماهم برادين الفريق
واللاعبين لي انتهى دورهم في اليوفي مثل: تريزيقيه .. كانافاروا .. قروسوا .. اماوري .. ليقروتالي .. زبينا .. بولسن .. كيمينتي

بعدها يتم التوقيع مع كلا من كاسيراس وكاندريفا لانهم لاعبين شباب ويفيدون الفريق مثل ماهو مبين

الاداره الغبيه حاطه 80 مليون لسوق الصيف المقبل لو انا مستلم هالموضوع راح اسوي التالي:

1- جلب كلا من بانوتشي من باري وكاجيرا من باليرمو واستعاده دانييلي جاستالديلو في الدفاع
2- جلب واحد من اثنين .. فابريجاس او هامسيك في نص الملعب + قاقوا من الريال في الارتكاز
3- جلب كلا من دزيكو " حتى لو كان الثمن ديقوا " + هيقوين في خط الهجوم
4- درينثي .. يلعب في الجناح او الظهير الايسر مع اني افضل يكون جناح احسن من الداج دي تشيلي
5- جلب واحد من اثنين خوان كابديفيا من فياريال او جايل كليشي من ارسنال في الظهير الايسر مع اني افضل الثاني لانه صغير في العمر

طبعا فابريقاس و هامسيك من اللاعبين لي صعب يطلعون .. لكن لكل واحد سعره
موجي ماكان يستعصي عليه احد

دزيكو مستعد اضحي بديقوا عشان خاطره واعطي جيوفينكو فرصته في اللعب
الكل راح يقول بعده ماتاقلم بالعكس .. هالادمي للحين ماشفته يلعب باس واحد في الملعب
حتى ركنياته وفاولاته يوم يلعبها احسها غلط بالقوه.

راح يكون الفريق كالتالي

الحراسه
بوفون .. مانينجر .. ماعندي اسم

الدفاع
كليني .. بانوتشي .. كاجيرا .. دانييلي جاستالديلو
كاسيراس .. جايل كليشي .. دي تشلي

الوسط
سيسوكو .. ماركيزيو .. قاقو .. ميلو
كاندريفا .. كامورانيزي .. فابريقاس .. حميدتش .. جيوفينكو .. درينثي

الهجوم
ديل بيرو .. دزيكو .. هيقوين .. ياكوينتا .. بالوتشي


بهالفريق حتى لو يدربه ناصر الجوهر ماعليه خوف باذن الله
واسف ع الاطاله​

 

[ثلاث نجمات]

اول شي مرحبا مليون فيك و اذا ما شالك الموقع يشيلك جراجيرا على راسه اش تبغى بعد .. :04:
ما شاء الله :1: يبدو لي من مشاركتك الاولى انك عضو مثقف و تمتلك معلومات قوية عن الفريق

يسعدنا و الله بدايتك هــكــذا و ما سـ يزيد اعجابنا هو استمرارك معنا و بأذن الله تسعد معنا في هذا
الموقع و برفقة البشوات الاكارم < الزبدة مدري كيف جات :tired: بخصوص كلامك اوافقك في الكثير

و اخالفك في البعض و اسمح لي بـ اقتباس ذلك :drunk: :-

دزيكو مستعد اضحي بديقوا عشان خاطره

دزيكو من وجة نظري الخاصة لا يستحق كل هذا الحديث و بمعنى اصح نفخوه لين قال امين يعني ما اقولك
سيء هو كويس بس فيه اللي افضل منه و بسعر أقل ايضاً وشغلة اني افرط في دييغو على شانه و الله ما

طرالي ابداً نظراً لـ امكانياته الكبيرة و لو انه ما قدم المأمول لكنه يسعى لذلك فما لها داعي نجحفه و لا نصبر
عليه و سبق ان صبرنا على عاهات و هنالك نقطة اخرى ايضاً الا وهي المدرب لابد من شخص صاحب

كفائة و خبرة موب حيالله و يعيشنا في تخبط و يجلس يجرب في اللعيبة خطط و يجب لنا المرض و السكر:skull_125:
و ايضاً بداية اي نجاح تكون بالرجوع لـ السبب الرئيسي في هذا الفشل الا و هي ادارة الغفلة و مشروع الغفلة

و نقتص راس الهرم و بلان نرجعه لمكانه الاول للمالية اللي ابدع فيه و ونشوت سيكو و نعيين بتيغا رئيساً لـ النادي
و فتح تحقيق في اسباب الاصابات الغررريبة و اللي اتوقع خشت موسوعة جينيس :Wow: و ان كان السبب

الجهاز الطبي نقلعه و نعين فريق أفضل منه و الأهم هو سلامة الاعبين و غير كذا ارضي الفينوفو مدري و الله وش
تبي !! منتهية و رايحة في عين امها و على حسب كلام بعض الاعبين و الكتاب انها سبب قوي في اصابة الاعبين

و بـ النسبة لـ التعاقدات لو في مخ مثل موجي كان صرف العاهات هذولي سواءً بـ بيع صريح أو عن طريق
اقامهم في صفقات و جلب نجوم ( لان اللي عندنا مب لاعبين :bngo16: ) و في الاخير دائماً مشكلتي اني ما اعرف ارتب

افكاري خصوصاً انك طارح لي 80 مليون و موكنلي الشغلة فـ الله يستر على بلان وربعه على الأقل يسوون
دراسة على الطاير :gap(1): الف شكر اخي و كلامك كان فيه الكثير من الواقعية و الله و ربك يكتب اللي فيه الخير

الف شكر على المشاركة الطيبة يا الطيب و يا مرحبا بك من جديد يا بطل .. :1: :qlb1:
​

 

[Kuwaiti]

أهلا وسهلا بك هنا

ننتظر في الصيف ماذا تفعل الادارة ..

تسلم على الموضوع

 

[ABDO24]

ان شاء الله الموسم المقبل يكون مهاجم ممتاز ومدافع
تحياتي

 

[™.. в д მ э ჩ]

وعليكم السلام والرحه والاكرام
هلا وغلا منور المنتدى بوجودكـ معنا وانشالله تفيــد وتستفيــد
الادارة الغبيــه حطت رفعت الميزانية الى 80 مليون مع التخلي عن كم لاعب ممكن توصل الـ 100
واتوقع انها راح راح تعمل ثورة علشان تجيب لاعبيــن سألتني ليــش ؟؟
لأن هدف الادارة الحالية هو الـ Money ومن ويــن راح يجيبونها ؟؟ لازم اقل شي يجيــبون لاعبيــن
نجوم تأثر على الإيرادات للنادي سيم سيم ريال مدريد ..
بالنسبة للاعبيــن اللي تيب تجيــبهم اختلف معك شوي
غاغو والله ما يدري وين هي هابة وشوفه مع الريال من جا لاسانا وهو احتياط
فابريغاس اذا جاء ماراح يقدم المطلوب منه لأنه راح يصير مثل دييغو طبعا اذا ماراح للبرسا او الريال ،، طبيعة لعبة ما تتوافق مع الكالتشيو
شخصيا اكثر اثنين ودي يجون كليتشي و روسي لاعب فياريال بالاضافة لكاير في الدفاع

بهالفريق حتى لو يدربه ناصر الجوهر ماعليه خوف باذن الله
واسف ع الاطاله​

ههههههههههه
الله يرجكـ والله انه غير يوصل النهائي وينهزم ههههههه
والله يحيــكـ مرة ثانية وانشالله تستمر معنا ونشوف ابداعاتـــكـ يا بطل
ع ــوآفى خيوو ​

 

[بوزيان]

عندي ملاحظة صغيرة : هيغواين لا تحلمون يجي لليوفي ..

الولد يسجل للريال في كل مباراة 3 أهداف و تريدون يبيعونه ؟؟ كيف

 

[ابو خاااالد]

دييغو لو سمحت خط احمر الله يصلحك اما الباقيين ماعليهم حسافه ثانيا فابريغاس انساه الله يعافيك صعب يخرج من الارسنال وان خرج فبرشلونه اول فريق رح ياخذه وهو لو فكر يخرج مارح يروح الا لبرشلونه تريزيقيه وقرقور وكنفاروا وزيبينا انتهوا من زمان ارجع لدييغو دييغو محتاج لاعبين بجنبه وسبق وقلنا هالكلام لاعب واحد مايحدث فارق او يرجع فريق لمنصات التتويج اليوفي محتاج على الاقل خمسه لاعبين نجوم وفي عدة مراكز بالتوفيق لليوفي
وتسلم عالموضوع

 

[ashiq]

تسلمون جميعا على التعقيب الجميل والراقي

A.DELPIERO
انا نقطه في بحر معرفتك باليوفي .. الف ماشاء الله عليك

Ro0o0oyaL
اتفق معك بسالفه فابريقاس واعرف ان طلوعه صعب .. لكن عندك بعد هامسيك
ونفس مايقولون كثر الدق يفك اللحام

بوزيان
انا تكلمت عن هيقوين من خلال متابعتي للريال .. شوف تعامل لاعبين الريال اجمع معه
وشوف الفرق يوم يلعب بنزيما .. لاحظ التمريرات بس وتعرف شو اقصد

بالنسبه حق دييقو .. هاللاعب تراني احبه واحب لعبه
لكن ماتشوفون ان جيوفينكو انظلم معاه .؟

 

[The Girlfriend of Italy]

أنا من وجهة نظري ان تقوم العائلة المالكة وجون الكان باقصاء بلانك ثم نبدأ الكلام بعد الاقصاء ... بلانك صبر على فيرارا صبر ماف داعي له لقد كرهت هذا الرجل وحان وقت اقصاءه من جذوره